Kehewà 13:19 - Udél Dwata: Gna Kesfasad ne Lomi Kesfasad

¹⁹ Bè yóm kewót le gu bè Idyip yó, nwit Musis tiol yóm tehe Jusif abay se yó se yóm deng tehe hfasad Jusif yó kem tau Israél bè yóm hanà tolo klowilen. Yó tehe mon Jusif mò kul, “Bè yóm kdaw angat kehewà Dwata kuy, hol nwit ye do tiolu gu bè nim benwu ni.”

Kehewà 13:19 Referans Kwoze

Juswa 24:32

Yóm tiol Jusif tehe nwit le gu bè Idyip yó kem tau Israél, lebeng le bè yó bè Sékém bè yóm tonok udì tehe benli Jakub ekni. Yó tehe blihen du, lematu botù blówón bukay bè yó kem ngà Hamor logi yóm Hamor mà Sékém. Nim tonok ni, hlós nfun yó kem sfu Jusif.

Kul Nmò 7:16

Okóm,” mon Stéfén, “là hlós lebeng le kul bè yó. Bud na le e lebeng lu ditu bè Sékém, bè yóm benwu tehe fasad Dwata ke Abraham. Sù le lu ebè yóm kilib tehe benli Abraham filak bè yó kem tehe ngà Hamur mò gónó lembeng.

Tekang Kbuten 48:21

Omin Jakub mon du mò ke Jusif, “Tódô tonem se yóm móyón katayu lem blóng ye, okóm tendo eles nô bélê ye Dwata ne angat niten yu semfulék ebè tum tonok tehe fù ye.

Kun Snulat Luk 7:16

Tódô le se gotu likò yó kem tau mton du, mung du yóm tey kdóyón le ke Dwata, mon le, “Deng sut lem blóng tekuy yóm tugod Dwata alì mfasang.” Mon kem dumu, “Deng kól lem blóng tekuy ne Dwata nan e lenwà kem kun tau.”

Kun Snulat Luk 1:58

Gungol yó kem dumuhen sebét kkólen bè yó kem dumuhen setwoli yóm tey nawahen ebéléen yóm gónón mogot ne gotu le gbót hligal se kul.

Kehewà 4:31

Ne hentahu le. Bè yóm kungol le du yóm deng kton Dwata du yóm tey keglayam le ne yóm deng ksuten lem blóng le mò tmóbóng kul, gotu le mtud bukol ne dóyón le Dwata.

Kul Nmò 7:15

Tahu se, gotu le msulék mógów ebè Idyip, ne ditu gónón hlós matay Jakub, kólen bè yó kem ngaen.

Hibru 11:22

Ngangen móyón mfu se ke Jusif kun. Lemwót bè kehtahuhen du yóm tehe fasad Dwata kul, eles bud tulónen yóm angat ktagak yó kem dumuhen tau Israél yóm benwu Idyip hulin kdaw, ne wen hloloen kul anì hol nwit le lówóhen na le e lebeng ditu bè yóm benwu fasad Dwata kul.