Kehewà 12:8 - Udél Dwata: Gna Kesfasad ne Lomi Kesfasad

⁸ Bè yóm kifu yó, hol tnétê le yóm ubiha deng hnatay le ne mung ken le bè yó kem som héét ne bè yóm mambang laen dù bulung henoken.

Kehewà 12:8 Referans Kwoze

Kehewà 34:25

Bê ye abay hmung bè yóm ógóf gel dsù ye ebéléu yóm mambang wen bulung henoken. Béen abay wen tebel ye du kól hlafus yóm utón deng dsù ye ebéléu bè yóm Kehligal ye bè yóm Kdaw Khius.

Isaya 53:10

Yó udél yóm Dwata hol gónó mogot, monen, “Tódô lemwót bè dou kóyô yóm keglayamen yó. Yóm katayen, yó se yóm hol dsù mò lanu hmifót salà. Kogol yóm katayen yó, angat tonen yó kem semfu gu béléen, duhen yó kem hemtahu du ne angat tahà klowilen. Ne mlan béléen gónón dohò yóm dou atul.

1 Tisalunika 1:6

Deng tehe glolò ye ne yóm kum kmò, ne yóm kun kmò yóm gónó tekuy mogot. Balù yóm tey gel keglayam ye lemwót bè yóm kehtahu ye, ewenem yó, sana tolo tey kehligal ye hemmóyô du yóm tulón nwit me. Yóm kligal ye yó, tódô lemwót bè yóm Tulus Dwata.

Glasya 5:9

Yóm tolok sekban yó, lómón yóm gel mon le, “Ke wen ken bali, ke bolem bè yóm ken lomi, baluen ke tek udì, tódô gotu bali yóm kdéen.”

Matyu 26:26

Yóm igò le tolo mken, nwa Jisas yóm mambang, bede nan ne mni bè Dwata. Ominen kembéng du, ne blayen yó kem gel lemolò du, yó monen, “Ni se yóm dou lówó. Nwa ye, ne ken ye.”

Matyu 16:12

Omin le yó he temngón du sundu bulung henok mambang du yóm tendoken, okóm yóm kul ktolok yó kem Farisi ne yó kem Sadyusi.

Sikaraya 12:10

Ne suu bè yó kem sfu Dabid ne bè yóm kdéen dumu tau bè Jirusalim yóm nawa kmodu ne yóm óyô mni bè Dwata. Angat le temngel ebéléu, yóm deng tehe tenbek le ne tey sidek klangag le, lómón klangag yóm tuha ke deng matay yóm tek sotu ngà le logi, duhen ke matay yóm ngà le logi twogu.

Amus 4:5

Nwit ye etu yóm mambang wen bulung henoken mò gónó ye dmóyón dou. Omin ye bud mit yóm basa tódô lemwót bè nawa ye mò gónó ye smalù knô ye. Tey, kem tau Israél, ni se yóm tendo nóyô nmò ye,” udél yóm Dwata hol dandónen geta.

Kem Lingón 22:14

Laen kô dù bud gelu ne, tódô lana, hol lómón ke él mkok bè tonok, tódô mneb. Yó kem tiolu, gotu slius. Hol lómón kegnómu du lem but blututu, lómón knò tolu.

Kehewà 12:9

Bê ye abay ken matak duhen ke tnógó nim ni, hol tnétê ye lenbotù mung du kuluhen ne tihen ne kdê yó kem hyu mken du nô lem lówóhen.

2 Tutul Israél 35:13

Omin le tmétê du lenbotù yó kem ubiha dsù bè Kdaw Khius yó, ulit le bè yóm hlolò le. Ne wen yóm utón dsù le ebè Dwata htólóng le, ne tnógó le lem tahu kuleng ne lem kuleng tonok ne lem kuleng kalà, ne kendel nólól le bè yó kem tau mò ken le.