Kehewà 12:7 - Udél Dwata: Gna Kesfasad ne Lomi Kesfasad

⁷ Omin le ma dumu yóm litô yóm ubiha hnatay le ne lumang le bè hehek yóm bak dól le ne bè yóm hlekel ta yóm bak dól yóm gónô gónó le mken du yóm ubiha yó.

Kehewà 12:7 Referans Kwoze

Hibru 11:28

Bud lemwót bè yóm kehtahuhen, yó gónón tódô mimón yóm sotu hlolò Dwata anì wen yóm Kdaw Khius. Yó hloloen kul, hetsik le bè bak dól le yóm litô yóm ubiha deng hnatay le anì yó, ke sok sut yóm hógów Dwata mit hatay, là hnatayen yó kem ngà le logi twogu bè yó kem tau Israél.

Hibru 9:22

Bè ktahuhen, bè yóm gna hlolò Dwata kul tganay, là holen wen baling mólós bè yó kem kimu le yó ke laen dù litô sù le du. Ne laen se dù tau hnifót Dwata salaen ke là wen yóm fen gamà litóen.

Ifisus 1:7

Lemwót bè yóm tehe fen katay Krays bélê tekuy, yó se gónó Dwata lemwà tekuy, duhen yó se yóm kmò kehlifóten yóm salà tekuy. Tey bong yóm któbóngen tekuy yó.

1 Pitér 1:2

Deng tehe eles tngónen kuy Dwata, yóm Mà tekuy bè longit. Ne deng néléken yu ne nmoen yu hol kun tau mlan bè yóm kun Tulus. Yó gónón mò du yóm yó anì hol nimón ye Jisas Krays ne anì gotu hnifóten yó kem salà ye mlan bè yóm deng khamà Jisas litóen. Dwata he hol tendo tmóbóng kuy ne hol tendo henek nawa ye.

Hibru 10:14

Duhen yó, olo tek suléken demsù, sana gotu hguliten yó kem tau deng hólósen bè yó kem salà le. Bè yóm kehguliten kul yó, laen dù tul sónen.

Hibru 10:29

Milud he kegtafaken yóm tau ke deng kenbéen yóm Ngà Dwata, ne ke deng kenféen yóm litóen tehe hamaen béléen mò hkó salaen, ne ke sendekaen yóm Tulus Dwata, yóm tmóbóng du. Wen hol mdengen duón Dwata du yóm tau yó, ne tey sidek ktafaken du.

1 Bok Kem Tau Hol Geta 6:31

Yóm bak dól elem yóm Dfél hol gónón nô Dwata, sbalà beng tikeben nmò le gu bè koyu ulib. Yóm hehek yóm bak dól yó, wen limu kililen.

Kehewà 12:13

Yóm litô nô bè hehek yóm bak dól ye mò ilô yóm gónô gónó ye nô. Bè yóm kógówu, ke tonu yóm litô yó tódóe mius. Là kô naw e hensidek kuy bè yóm ktafaku yó kem tau Idyip.”