Kehewà 12:6 - Udél Dwata: Gna Kesfasad ne Lomi Kesfasad

⁶ Duhen yó, lemwót bè yóm gesfoloen kdaw bè nim bulón ni efet kól bè gesfoloen fat kdaw, hol hentilob ye semgyok du yóm ubiha deng nélék ye. Ke sok deng sdef kdaw bè yóm gesfoloen kdaw yó, tódô kdê yó kem tau Israél gotu hmatay yóm ubiha deng nélék le.

Kehewà 12:6 Referans Kwoze

Hlolò 23:5

Yóm tanay kehligal hmou kuy, duhen yóm kehligal ye mò du yóm ken bè Kdaw Khius. Yóm kehligal ye yó, hol nbut nmò ye bè sdef kdaw bè yóm gesfoloen fat kdaw bè yóm tanay bulón.

Kehewà 12:18

Tódô lenwóten bè yóm kifu bè gesfoloen fat kdaw bè yóm tanay bulón efet kól bè yóm kifu bè yóm gewuhen folò sotu kdaw bè yóm bulón yó, hol bê ye abay ken yóm mambang wen bulung henoken.

Kul Nmò 4:27

Yó tendoken yóm tehe udél Dabid yó, duhen yóm lomi kestifun le bè nim benwu ni le Hirod ne Puntyus Paylét, mung kul yó kem tau là Ju le dalang se yó kem Ju. Kul atul yóm khatay le ke Jisas, yóm tau tóbóng lówóhem laen kô belenen deng hógówem elem blóng me, yóm Misaya tehe nélékem.

Kehewà 16:12

“Deng gungolu yóm alì ktalaw yó kem tau Israél. Tulónem kul bè nim móyón kkifuhen ni kdeng wen utón mò utón le. Ne hlafus haya wen mò ken le balù nô kbong kul kóyô. Bè nim nmou bélê le ni gónó le temngón du ou se yóm sana kul Dwata hol gónó mogot.”

Kun Snulat Luk 23:18

Tikóng deng gungol yó kem tau yóm udél Paylét yó, deng mom dalil le gotu hetê, yó mon le, “Tódô hfatayem nim tau ni. Yó dém Barabas bud hefewaem kum.”

Kun Snulat Luk 23:1

Kewót le bè yó ne yó kem tau mogot kukum yó, nit le Jisas ebè Gubérnor Paylét.

Mark 15:25

Deng sóól mneged ne kdaw yóm ktutuk le du bè kros.

Mark 15:11

Okóm yó nmò yó kem tau hol geta bè yó kem gel demsù ebè Dwata, nofong le yó kem tau sbung bè yó anì hni le bè Paylét Barabas.

Mark 15:8

Timbow le deng gotu stifun yó kem tey tau wen, hni le bè Paylét yóm tehe gel nmoen bè yó kem tau blanggù.

Mark 15:1

Tikóng deng mwas bè yó, gotu le kendel stifun yó kem geta bè yó kem gel demsù ebè Dwata, ne yó kem tuha gónó le gel galak yó kem Ju, ne yó kem tau gel tmolok hlau, dalang se kdê yó kem tau gel kmukum. Yó nmò le, sensatul le yóm kmò le ke Jisas. Omin le hmengked mfét du kdina, ne nit le ebè Paylét.

Matyu 27:25

Ne mon le se, “Tódô kum nbô ne litóen nim tau ni, dalang se kem kum ngà.”

Matyu 27:20

Okóm yó nmò yó kem geta bè yó kem gel demsù ebè Dwata ne yó kem tuha gónó le gel galak, nofong le yó kem tau sbung bè yó anì yó hni le Barabas, ne fen hfatay le Jisas.

Kul Nmò 3:14

Nim Jisas ni, du se yóm tau laen kô dù belenen yóm kmoen, hono hyu. Okóm deng mom senkbê ye, ne deng mom yó hni ye bè Paylét yóm tau monok anì hefewaen.

Kul Nmò 2:23

Lemwót bè yóm tehe olu Dwata du, yó gónón hemlus du elem tdok ye. Ne lemwót ye se kuy, tódô eted ye ebè yó kem tau là temngón ke Dwata anì hnatay le. Tahu se, hnatay le, duhen yóm le ktutuk le du bè kros.

Isaya 53:6

Yóm kdê tekuy, hol tekuy mkél bè ubiha tabag. Tódô sotu kun lemolò kun kóyô. Okóm du fen mbô yóm tafak Dwata hol knóón bélê tekuy.

Kehewà 12:14

Yó udél Dwata, monen, “Hol gel hnigal ye ke sok bud kól nim Kdaw Khius ni mò gónó ye hemtulón du nawa yóm deng nmou bélê ye. Bê ye abay nmò sónen yóm tendo gel kulit kmò ye du ket halay.

Kehewà 12:17

Tendo nulit nmò ye ket halay nim mò ken ni mò gónó ye hemtulón du nawa yóm kdaw kehewau kuy gu bè Idyip. Nim hlolou kuy ni, laen dù mtukul sónen yóm gel kmò ye du.

Kehewà 16:1

Omin le bud lemwót bè yó bè Ilim yó kem tau Israél. Bè yóm gesfoloen limu kdaw bè yóm gewuhen bulón kogol yóm kehewà le gu bè Idyip, gefet le bè yóm benwu laen hol wen tauhen boluyen Sin. Yóm benwu yó nô bè gónón sóól Ilim ne Sinay.

Kehewà 19:1

Bud tnagak yó kem tau Israél yóm benwu Rifidim. Bè yóm tanay kdaw bè yóm getluhen bulón kogol yóm kehewà le gu bè Idyip, bud le kól bè yóm benwu laen hol wen tauhen boluyen Sinay. Bè yó gónó le na bud kmamfù bè but yóm Bulul Sinay.

2 Tutul Israél 35:1

Heglalag Jusaya bè yóm kdéen tau yóm bud kehligal le yóm Kdaw Khius bè Jirusalim. Nétê le yóm ngà ubiha gel nétê le bè yóm Kdaw Khius bè yóm gesfoloen fat kdaw bè yóm tanay bulón.

Isra 6:19

Bè yóm halay tmodol, bè yóm gesfoloen fat kdaw bè yóm tanay bulón tódô kdê yó kem tau tehe negef deng bud mulék, gotu hnigal le yóm Kdaw Khius.

Juswa 5:10

Bè yóm igò le tolo kmamfù bè Gilgal yó kem tau Israél bè yóm datal moni bè Jiriku, bud hnigal le yóm Kdaw Khius bè yóm móyón kifu bè gesfoloen fat kdaw bè yóm tanay bulón. Yó se yóm bulón tehe kewót le gu bè Idyip yó kem tau Israél.