Kehewà 12:40 - Udél Dwata: Gna Kesfasad ne Lomi Kesfasad

⁴⁰ Yó kegen le menwu bè Idyip yó kem tau Israél, botong fat latu tlu folò halayen.

Kehewà 12:40 Referans Kwoze

Tekang Kbuten 15:13

Ne yó mon Dwata mò du, “Yó kem sfuhem, angat le milo ebè tólóng benwu. Botong fat latu halay kegen le ghesek ditu, ne tey sidek kehlayam le kul.

Kul Nmò 7:6

Yó udél Dwata ebéléen, monen, ‘Yó kem angat lugodem, angat fat latu halayen kegen le geklifen bè yóm benwu là kul benwu du, ne tey le meflayam bè yó.

Kul Nmò 13:17

Bè yóm tehe yu ekni, deng tódô nélék Dwata yó kem tau gónó tekuy gu semfu. Bè yóm tehe knô le bè Idyip, bè yóm benwu sundu kul du, tey kehból Dwata kul. Ne bè yóm bud kehewaen kul, tey kehegfanen du bélê le yóm kfasangen.

Hibru 11:9

Bè yóm deng kkól le bè yó, lemwót bè yóm kehtahuhen bè Dwata, hol lómón ke olon tau milo bè yóm benwu deng fasad Dwata du yó. Là mdengen kbenwu le. Tódô gel nwit le mógów yóm gónó le nô, senged se ke tehe Isak, yóm ngaen, ne yóm tehe téméen Jakub. Deng le gotu gomong snéen kul bè yóm benwu fasad Dwata ke Abraham.

Tekang Kbuten 15:16

Okóm yó kem sfuhem yó, yó he kulék le edini bè yóm benwu ni ke deng fat bud lugod le bè yó, abay se là tagad hdóhu kul he yó kem tau Amurayt menwu bè yóm benwu ni. Yó he kehdóhu kul ke sok deng gulé yóm sidek nmò le, ne là gbeku du ke là tnafaku kul.”

Kehewà 3:10

Duhen ni, hógówu u ebè Faro bè Idyip anì nitem lu hewà gu bè yóm kun benwu yó kem dou tau.”