Kehewà 12:39 - Udél Dwata: Gna Kesfasad ne Lomi Kesfasad

³⁹ Gotu tnógó le bè lan yó kem mambang laen dù bulung henoken nwit le gu bè Idyip. Yó gónón laen dù bulung henoken abay se tey meslò yóm kehewót le kul, laen dù uras le na mangat du kenok yóm mambang. Ne laen se dù uras le hemtifes du yóm dumu ken le.

Kehewà 12:39 Referans Kwoze

Kehewà 11:1

Deng eles wen udél Dwata ebè Musis, monen, “Olon sotu ne duen tafak hwitu ebè Faro ne klamangen Idyip ne bè yó kem tauhen. Kogol yóm tafak yó hewóten yu ne. Bè ktahuhen, gotu tódô hdóhen yu bè ni.

Kehewà 6:1

Omin Dwata mon du mò ke Musis, “Ni hol hnénégem yóm angat nmou bè Faro yó. Angat gnagahu anì hewaen lu yó kem dou tau. Bè ktahuhen, angat hdóhen lu bè yó bè kun benwu.”

Matyu 13:33

Ne bud sotu hningón Jisas bélê le, monen, “Sotu gónó tekuy e hmingón du yóm kogot Dwata tau, hol lómón ke yóm libun mò mambang. Balù tek udì bulung henok boolen bè yóm tey arina deng hnéféen, botong gbeken henok du yóm kbongen.”

Kehewà 12:34

Tahu se, gna senbool yó kem tau Israél yóm mambang laen dù bulung henoken ne sù le lem yóm gónó le angat tmógó du, hnunges le kgal le, omin le tmihang du.