Kehewà 12:36 - Udél Dwata: Gna Kesfasad ne Lomi Kesfasad

³⁶ Lemwót bè yóm deng hefedem Dwata yó kem tau Idyip, yó gónón wen nawa le ebè yó kem tau Israél, tódô blay le kul kihu nóyô hni le bélê le. Bè nim ni, tey wen nwit kem tau Israél yóm kul kendengen yó kem tau Idyip.

Kehewà 12:36 Referans Kwoze

Kul Nmò 7:10

ne lenwaen bè yó kem tey dê gónón glayam bè yó. Bè yóm kdaw kehdà le ke Jusif bè solu yóm tau hol geta bè Idyip, wen tey kehyu nawa blay Dwata du, ne yóm khulung hedem. Lemwót yóm tau hol geta yó, tódô nmoen Jusif gubérnor bè klamangen Idyip, ne hogoten du yóm kdéen tau mò nmò bè gónóen.

Tekang Kbuten 15:14

Okóm angat tnafaku yóm benwu hmesek kul yó. Ne bè yóm kdaw angat ktebel le yóm benwu yó, angat gotu nwit le yó kem tey kendengen gu ditu.

Danyél 1:9

Lemwót bè yóm któbóng Dwata ke Danyél gónó Aspinas kmodu du ne móyô tmóbóng du.

Kem Lingón 105:37

Omin Dwata malak kul hewà gu bè Idyip yó kem tau Israél. Wen kem tahu blówón ne blówón bukay nit le. Tódô kdê le sal hyu klówó le, ne tey le kemgis.

Kehewà 11:3

Bè yóm kdaw yó, deng eles wen hefedem Dwata yó kem tau Idyip anì wen nawa le ebè yó kem tau Israél. Bè ktahuhen, tey kadat le ke Musis yó kem genlal Faro dalang se yó kem kdéen tau bè Idyip.

Tekang Kbuten 39:21

Bede là kô tnagak Dwata ke Jusif, tendo tnóbóngen. Ne yó gónón hyu nawan ebè Jusif yóm tau mentey gónô blanggù.

Kul Nmò 2:47

Ne là kóen skó yóm tendo kdóyón le ke Dwata. Laen se kô gónó le gemsanil kul yó kem dumu tau. Lemwót bè kun nmò yóm gónó le mogot, tódô ket kdawen gel temnù yó kem tau hemtahu bè Jisas.

Kem Udél Hlalak Tehe Selumun 16:7

Yóm tau ke sok hefligalen Dwata bè kmoen balù yó kem hohonen bud senfyu Dwata lu.

Kehewà 11:2

Ne ni, mudéli ebè yó kem tau Israél anì eles le mni bè yó kem tau Idyip dumu le sebét yó kem ngom libun nmò le bè tahu blówón ne bè blówón bukay.”

Isra 1:6

Tódô kdê yó kem dumu le sebét gotu tmóbóng kul mlan bè yó kem tey dê blay le kul. Benlay le lu yó kem tukung blówón bukay ne kem tukung tahu blówón. Bud blay le kul snéen yó kem kdê wen mu le du bè lan. Ne wen kem ógóf lemulón blay le kul ne wen se kem dumu kimu mebtes ne wen se yóm blay le kul mò bud blay le ebè Gónô Dwata.