Kehewà 12:33 - Udél Dwata: Gna Kesfasad ne Lomi Kesfasad

³³ Ya tey keheslò le kul yó kem tau Idyip anì géhél tebel le yóm benwu yó. Yó mon le, “Ke là géhél ye lemwót angat me gotu matay.”

Kehewà 12:33 Referans Kwoze

Kem Lingón 105:38

Botong le likò kul yó kem tau Idyip, song hyu nawa le deng le hewà bè yó.

Kehewà 11:1

Deng eles wen udél Dwata ebè Musis, monen, “Olon sotu ne duen tafak hwitu ebè Faro ne klamangen Idyip ne bè yó kem tauhen. Kogol yóm tafak yó hewóten yu ne. Bè ktahuhen, gotu tódô hdóhen yu bè ni.

Tekang Kbuten 20:3

Okóm sotu kifu, hegfan bè kna Abimélék Dwata, ne monen mò du, “Dengi matay se kóm, abay se yóm libun nwahem ni, wen yehenen.”

Kehewà 6:1

Omin Dwata mon du mò ke Musis, “Ni hol hnénégem yóm angat nmou bè Faro yó. Angat gnagahu anì hewaen lu yó kem dou tau. Bè ktahuhen, angat hdóhen lu bè yó bè kun benwu.”

Kehewà 10:7

Yó mon yó kem genlal Faro, “Kegenen de duen sónmò kesbewegen tekuy nim tau ni? Géhél hewótem lu ne yó kem logi Israél anì na le e tmaba ebè yóm sana kul Dwata hol gónó mogot. Là gnómem du kô kóm yóm deng keglà yóm benwu Idyip?”

Kehewà 12:39

Gotu tnógó le bè lan yó kem mambang laen dù bulung henoken nwit le gu bè Idyip. Yó gónón laen dù bulung henoken abay se tey meslò yóm kehewót le kul, laen dù uras le na mangat du kenok yóm mambang. Ne laen se dù uras le hemtifes du yóm dumu ken le.

Isaya 52:12

Okóm yóm kewót ye yó, là kô ye meslò abay se laen dù henlóy ye. Eles tukô gna kuy yóm Dwata gónó ye mogot ne du se tendo mofin kuy.

Danyél 3:22

Lemwót bè udél yóm tau hol geta, ya tey sidek kkinì dilóf ofi hdutungen, botong diluten yó kem sendalù mbot kul le Sadrak ne Misak ne Abidnigu, gotu le mlób.