Biblia Todo Logo
Bib sou entènèt

- Piblisite -




Kehewà 12:30 - Udél Dwata: Gna Kesfasad ne Lomi Kesfasad

30 Bè yóm kifu yó, gotu le gebtik le Faro ne yó kem genlalen ne kdê yó kem tau Idyip, bà mon tey dlumu kik bè klamangen Idyip, abay se laen dù gmónô ke laen dù ngà logi matay bélê le.

Gade chapit la Kopi




Kehewà 12:30
9 Referans Kwoze  

Tey wen demumu mkik bè klamangen Idyip, ne langat là deng sulék gungolem du ne là bud gungolem du ne elem hulin kdaw.


Angat tey wen mngawóy bè yó kem gónó le gel mulu grép abay se angate mlan lem blóng le naw e gotu genlà lu. Ou se Dwata nim mudél ni.”


Bè yóm angat kkukum Dwata tau, là kô nan e knodu du yóm tau tehe là knoduhen kem dumun. Okóm yóm tau tehe knoduhen kem dumuhen, laen dù knikoen bè yóm kdaw yó, abay se là kô tnafak Dwata du.


Timbow deng sóól buteng, tódô btang lem klingu le yóm tey tmaba, monen, ‘Ni deng kól yóm logi myehen. Géhél ye, ne ye e senlong.’


Yóm tau là kenmónen du kehkoduhen béléen yóm tau élél, là se wen kemmón du yóm kun kehkodu.


Yó kem tau là matay le, bud gnóm le se kul yóm des tumor ne gefet ditu bè longit yóm tey kkik le.


Là bud nafasen du yóm alì ksidek kebuten kul. Là kô lenwaen kul bè yóm hatay le, okóm gotu hfatayen lu mlan bè yóm des mit hatay hwiten elem blóng le.


Eles wen des hógówen tukô gna du ne eles hógówen huli du hatay.


Yó mon Faro, “Tódô tulónu kuy, song gwit ye kem ngà ye ne kem yehen ye ke tódô Dwata mò du. Ke béléu do là kô naw e hlus kuy. Nim tô nmò ye ni tey dilô kaem hlós lan ye.


Swiv nou:

Piblisite


Piblisite