Kehewà 12:3 - Udél Dwata: Gna Kesfasad ne Lomi Kesfasad

³ Hol tulón ye bè kdê yó kem tau Israél ni kem hlolou kuy ni. Yó hlolou kul, bè gesfoloen kdaw bè nim bulón ni, ket kmuleng mélék sotu ngà ubiha duhen ke ngà kambing mò ken yóm kun fes lówó.

Kehewà 12:3 Referans Kwoze

1 Kurin 5:7

Yó gónóm mon, hol kó ye dé yóm ken bali anì laen dù sidek gbool lem blóng ye. Ke yó nmò ye, hol lómón ke yu yóm ken lomi, balù udì ke wen bali gbol du. Ne bè ktahuhen, tódô tngónu ni se yóm hol kuy kmò. Yakà dengen matay Krays bélê tekuy, hol lómón ke du yóm ngà ubiha hnatay le bè yóm Kdaw Khius mò dsù le ebè Dwata.

Kun Snulat Jan 1:29

Timbow hayahen bè yó, ton Jan Jisas mógów ebéléen. Bè yóm ktonen du, monen mò yó kem tau, “Ngem yó dé yóm Ngà Ubiha Dwata mò angat dsù Dwata mò mkó salà kdéen tau.

Kun Snulat Jan 12:12

Timbow hayahen bè yó, gungol yó kem tey tau wen deng eles mung bè yóm mò ken bong bè Kdaw Khius bè Jirusalim yóm kógów Jisas etu, gotu na le e senlong.

Kun Snulat Jan 1:36

Bè yóm ktonen ke Jisas mius bè yó, bud monen, “Yó sii yóm Ngà Ubiha angat dsù Dwata.”

2 Tutul Israél 35:7

Omin Jusaya bemlay tlu folò libu ngà ubiha ne ngà kambing, ne tlu libu safì mò dsù blayen bè yó kem tau bè Kdaw Khius.

Kehewà 12:6

Duhen yó, lemwót bè yóm gesfoloen kdaw bè nim bulón ni efet kól bè gesfoloen fat kdaw, hol hentilob ye semgyok du yóm ubiha deng nélék ye. Ke sok deng sdef kdaw bè yóm gesfoloen kdaw yó, tódô kdê yó kem tau Israél gotu hmatay yóm ubiha deng nélék le.

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Kehewà 4:30

Gotu tulón Aron kul yóm kdê deng mon Dwata mò ke Musis. Omin Musis gotu mò du lem blóng le yó kem hentaw ton nmoen.

Tekang Kbuten 22:8

Yó balà Abraham du, monen, “Dwata he, ngà, fen bemlay du kut yóm mò dsù te.” Omin le yó hlós.

Tekang Kbuten 4:4

Omin Abél demsù se kun, wen nwahen bè tanay ngà yó kem ubihahen, ominen hmatay kul. Nwahen yóm unged hol hyu mò dsuen ebè Dwata. Tey hyu nawa Dwata ebè Abél ne bè yóm dsuen yó.

Deng Hegfan 13:8

Tódô kdéen tau te tonok gotu hemtahu béléen yóm ógóf lóbô yó. Són olo là hemtahu béléen, són yó kem tau deng gsulat boluy le bè yóm bok lowil, yóm kun bok yóm Ngà Ubiha tehe hnatay le. Deng eles gotu snulaten ne boluy yó kem tau wen klowil laen dù sónen gu laanen là deng dmimun du yóm kentihen.

1 Samwél 7:9

Duhen yó, wen ngà ubiha tolo tmutù nwa Samwél ne hkekeben lenbotù ebè Dwata mò dsuen ebéléen. Tey kehkoduhen bè Dwata anì tnóbóngen yó kem tau Israél ne bnalà Dwata yóm hnihen yó.

Juswa 7:14

Duhen ni, Juswa, hol tulónem kul, hlafus haya gotu le mdà bè soluhu anì hegfanu bélê ye gónóhen nô yóm kimu monu yó. Bè yóm kdà le bè soluhu, mlan bè ket ból le. Yóm ból tendoku, bud le mdà bè soluhu mlan bè ket ktol le. Yó se ktol tendoku, bud le mdà bè soluhu mlan bè ket fes lówó le. Ne yóm fes lówó tendoku, bud le mdà bè soluhu mlan bè ket sotu tau.

Kehewà 20:19

Yó mon le mò ke Musis, “Ke uu mudél ebélê me hnungol me. Okóm ke Dwata, likò me déke matay me.”

Kehewà 14:15

Yó bud mon Dwata mò ke Musis, “Moen du ke alì ye tmaba ebéléu? Monem mò kul yó kem tau Israél tódô henlós le yóm kógów le.

Kun Snulat Jan 12:1

Tek nem kdaw ne duen kehto yóm mò ken bong bè yóm Kdaw Khius. Lemwót Jisas mógów ebè Bitani, yóm benwu Lasarus, yóm tehe tau hlowilen.

Kehewà 12:2

“Nim bulón ni, ni se hol tanay bulón bélê ye bè yóm lomi halay.

Kehewà 12:4

Ke là wenen yóm kun fes lówó mò mken yóm sbotù, hyu ke setnù le yóm dumuhen sebét là wen fes lówóhen se kun mò semtóbóng mken yóm sbotù utón yó, syan ke kóyów bélê le.

Kehewà 12:21

Omin Musis gotu htaba kul yó kem tuha gel malak yó kem tau Israél ne monen mò kul, “Ket kmuleng bè kdéen tau Israél mélék le sotu ngà ubiha duhen ke ngà kambing mò tnétéen bè Kdaw Khius.