Kehewà 12:29 - Udél Dwata: Gna Kesfasad ne Lomi Kesfasad

²⁹ Hol sóól buteng se gotu hnatay Dwata yóm kdéen ngà logi twogu yó kem tau Idyip, lenwóten bè ngà Faro, yóm ngaen bud tô temles du, kkólen bè ngà yóm tau knukub le ditu bè gónón kmifu. Dalang se yóm kdéen tanay sut bè yó kem ógóf le gotu matay.

Kehewà 12:29 Referans Kwoze

Kem Lingón 78:51

Gotu hfatayen yó kem ngà le logi twogu yó kem tau Idyip, kem ngà alì mebtes bélê le, hfatayen lu bè klamangen benwu Idyip.

Kehewà 4:23

Deng monu mò kóm, hol hewótem yóm dou ngà anì tmaba ebéléu. Okóm là kói dog móyô. Mlan bè nim nmoem ni, gónóhu hmatay yóm ngaem logi twogu.’ ”

Kem Lingón 135:8

Ditu bè Idyip, gotu hnatayen yó kem ngà logi twogu bè ket gónô yó kem tau Idyip, homong hnatayen se yó kem ngà yó kem ógóf le tanay sut.

Kem Lingón 105:36

Ngangen efet hfatay Dwata yóm ngà logi twogu bè ket kmuleng bè yó kem tau Idyip. Yóm ngà le bè tolo tukô nawa le.

Kem Lingón 136:10

Hol dóyón tekuy Dwata, gotu hnatayen yó kem ngà logi twogu bè yó kem tau Idyip. Laen kô dù tul sónen yóm kbong nawahen tekuy là monolen.

Kehewà 12:12

Bè yóm kifu yó angate mógów bè klamangen Idyip naw e hmatay yóm kdéen ngà logi twogu, tau duhen ke ógóf ne tnafaku yó kem dwata lennged gel tnaba le bè Idyip. Ou se yóm Dwata hol gónó mogot mon du nim ni.

Hibru 11:28

Bud lemwót bè yóm kehtahuhen, yó gónón tódô mimón yóm sotu hlolò Dwata anì wen yóm Kdaw Khius. Yó hloloen kul, hetsik le bè bak dól le yóm litô yóm ubiha deng hnatay le anì yó, ke sok sut yóm hógów Dwata mit hatay, là hnatayen yó kem ngà le logi twogu bè yó kem tau Israél.

Hibru 12:23

Hol lómón ke deng tekuy gomong ne bè yó kem gna ngà Dwata deng gsulat bè longit yóm kul boluy, ne deng tekuy gbót ne bè yóm tey kligal le bè yó. Hol lómón ke deng tekuy hloni ebè Dwata, yóm fen kmukum kdéen tau. Lómón ke deng tekuy hloni ebè yó kem kdéen tau hemtahu deng tehe matay, yó kem tau hyu kmò le, kem tau deng baling gulit ni kmoen ni.

Sikaraya 9:11

Lemwót bè yóm deng tehe fasadu kuy bè yóm tehe kesfasad tekuy ne lemwót bè yóm litô yóm dsù ye fen hemget du, angat gotu hewau yó kem tau bélê ye deng negef le, lómón kmoen bélê le lómón ke nô le lem tum sol laen dù élen.

Jirimaya 38:13

Omin le yó semketeng ke Jirimaya eta. Bud hulék le ebè yóm gónó blanggù bè lósól yóm gónô bong yóm tau hol geta bélê le bè yóm gónóhen nô yóm tau gel mentey bè yó ne bè yó gónó Jirimaya hlós nô.

Jirimaya 38:6

Tahu se, nwa le Jirimaya ne omin le mfét du, hloyol le elem yóm sol tehe hokol Malkiya mò gónó le hemyu él. Nim Malkiya ni sotu ngà yóm tau hol geta bélê le. Yóm sol yó, nô talak lósól gónô bong yóm tau hol geta bélê le bè yóm gónóhen nô yóm tau gel mentey bè yó. Laen dù élen tódô hono hitok, botong gebeng lemen Jirimaya.

Kehewà 9:6

Tahu se. Timbow hayahen bè yó, tey wen mlef bè yó kem kul ógóf yó kem tau Idyip lómón yóm deng mon Dwata. Okóm yóm kul ógóf yó kem tau Israél, balù sotu ke wen matay bélê le.

Kehewà 12:28

Omin le lemwót ne gotu nmò le yóm deng hlolò Dwata kul le Musis ne Aron.

Kem Lingón 78:50

Là bud nafasen du yóm alì ksidek kebuten kul. Là kô lenwaen kul bè yóm hatay le, okóm gotu hfatayen lu mlan bè yóm des mit hatay hwiten elem blóng le.

Hbakuk 3:5

Eles wen des hógówen tukô gna du ne eles hógówen huli du hatay.

Tekang Kbuten 15:14

Okóm angat tnafaku yóm benwu hmesek kul yó. Ne bè yóm kdaw angat ktebel le yóm benwu yó, angat gotu nwit le yó kem tey kendengen gu ditu.

Kehewà 11:1

Deng eles wen udél Dwata ebè Musis, monen, “Olon sotu ne duen tafak hwitu ebè Faro ne klamangen Idyip ne bè yó kem tauhen. Kogol yóm tafak yó hewóten yu ne. Bè ktahuhen, gotu tódô hdóhen yu bè ni.

Isaya 41:11

Angat le mulék myak yó kem tau gel kmutó nawa kuy lemwót bè yóm klaen dù gmò le bélê ye. Yó kem tau mit sfatay bélê ye, angat le matay.