Kehewà 12:27 - Udél Dwata: Gna Kesfasad ne Lomi Kesfasad

²⁷ mon ye mò kul, ‘Ni se yóm kedsù tekuy ebè Dwata bè yóm Kdaw Khius mò gónó tekuy hegfan du yóm kadat tekuy du, abay se tehe niusen yó kem gónô yó kem tau Israél bè Idyip bè yóm khatayen yó kem ngà logi twogu yó kem tau Idyip, okóm fen hlowilen tekuy.’ ” Timbow gungol le yóm udél Musis yó, gotu le mtud bukol yó kem tau Israél, dóyón le Dwata.

Kehewà 12:27 Referans Kwoze

Kehewà 4:31

Ne hentahu le. Bè yóm kungol le du yóm deng kton Dwata du yóm tey keglayam le ne yóm deng ksuten lem blóng le mò tmóbóng kul, gotu le mtud bukol ne dóyón le Dwata.

Kehewà 12:11

Bè yóm kifu kken ye du, eles lesek ye yóm mò nes ye lemwót mung du tlumfà ye ne eles nogot ye tuged ye. Henslò ye mken, yakà ni du yóm mò ken bè Kdaw Khius hlolou kuy mò gónó ye madat do.

1 Kurin 5:7

Yó gónóm mon, hol kó ye dé yóm ken bali anì laen dù sidek gbool lem blóng ye. Ke yó nmò ye, hol lómón ke yu yóm ken lomi, balù udì ke wen bali gbol du. Ne bè ktahuhen, tódô tngónu ni se yóm hol kuy kmò. Yakà dengen matay Krays bélê tekuy, hol lómón ke du yóm ngà ubiha hnatay le bè yóm Kdaw Khius mò dsù le ebè Dwata.

Kehewà 12:23

Ke mógów bè klamangen Idyip Dwata anì nan e hnatay yó kem ngà logi twogu yó kem tau Idyip, ne ke tonen yóm litô nô bè hehek bè bak dól ye ne bè yóm hlekel tahen, tódô nius yóm hógów Dwata mit hatay yó yóm gónô ye.

Nihimaya 8:6

Yó mon Isra mò kul, “Hol dóyón tekuy yóm sana kut Dwata hol gónó mogot yóm Dwata hol dandónen geta.” Tódô kdéen tau gotu hdà le eta sigel le, mon le, “Tahu se. Tahu se.” Omin le gotu mtud bukol bè tonok hegfan le yóm keheglaan le bè Dwata. Yóm uyó le, botong gefet bè tonok.

2 Tutul Israél 29:30

Omin yóm tau hol geta ne yó kem genlalen mdók yó kem sfu Libay anì sngal le yóm sngal dmóyón ke Dwata tehe nmò Dabid ne Asaf yóm tau gel wen hton Dwata du. Duhen yó, tey kehligal le dmóyón ke Dwata, gotu le kudung ne mtud le bukol bè tonok, ne tmaba le ebè Dwata.

2 Tutul Israél 20:18

Omin Jihusafat mtud uyóhen bè tonok, ne dalang se yóm kdéen tau Juda ne tau bè Jirusalim, bud yó snéen kul nmò, ne dóyón le Dwata.

1 Tutul Israél 29:20

Omin Dabid mudél ebè kdê yó kem tau deng stifun, monen, “Hol dóyón ye yóm sana kuy Dwata hol gónó mogot.” Tahu se, ya tey kdóyón le ke Dwata yóm kdê le deng stifun bè yó, dóyón le yóm Dwata yó kem tehe fù le. Gotu le kudung, tud le bukol le bè solu Dwata ne bè solu yóm tau hol geta bélê le.

Kehewà 34:25

Bê ye abay hmung bè yóm ógóf gel dsù ye ebéléu yóm mambang wen bulung henoken. Béen abay wen tebel ye du kól hlafus yóm utón deng dsù ye ebéléu bè yóm Kehligal ye bè yóm Kdaw Khius.

Kehewà 34:8

Tódô kendel mtud bukol bè tonok Musis nan e heglaan bè Dwata.

Kehewà 10:2

ne anì wen angat tulónem bè yó kem ngaem ne bè yó kem téméem yóm klaen dù gmò le yó kem tau Idyip bè yóm kmou du lem blóng le yó kem tey hentaw ton. Ne bè yó gónó ye temngón du yóm kdê ye ou se yóm sana Dwata hol gónó mogot.”

Kehewà 12:28

Omin le lemwót ne gotu nmò le yóm deng hlolò Dwata kul le Musis ne Aron.

Kem Lingón 44:1

Ó Dwata, deng hol kum klingu se mungol du yóm tehe tulón le kum yó kem fù me, duhen yóm kdê deng gendengem bè yóm tehe kul kdaw ekni.

Kem Lingón 78:5

Wen hloloen ke tehe Jakub, wen hlau hloloen yó kem tau Israél. Hloloen yó kem fù tekuy anì hol bud tolok le bè yó kem ngà le yóm hlauhen kul yó,