Kehewà 12:26 - Udél Dwata: Gna Kesfasad ne Lomi Kesfasad

²⁶ Ke angat snólók le yu yó kem ngà ye ke tedu lanen nim gel nmò ye ni,

Kehewà 12:26 Referans Kwoze

Dwata 32:7

Hentulón ye nawa dé yóm tehe nmò Dwata ekni. Snólók ye mà ye anì tulónen kuy yóm tehe kmoen bè yóm kdaw yó. Snólók ye yó kem tuha anì tulón le kuy.

Kem Lingón 145:4

Yóm deng gel nmoem lem blóng me, Dwata, ket lugod yó kem sfu me, angat bud gel sendóyón le uu se kul. Angat gotu sensból le yóm tey nmoem lem blóng me.

Ifisus 6:4

Ne yu kem tuha, bê ye abay nmò yóm gónó le lembut yó kem ngà ye. Okóm lemwót bè yóm deng kehtahu ye, hninggel ye hmau kul ne tmolok kul.

Dwata 6:7

Hol bud tolok ye bè yó kem ngà ye. Tendo bud gel sensulit ye bélê le balù kihu gónó ye nô, ke nô ye bè gónô ye duhen ke mógów ye, ke hegnô ye duhen ke mò ye nmò, hol tendo sensulit ye bélê le.

Kehewà 13:22

Tendo tukô gna kul yóm lobun tmahà ke kemdaw ne tendo bud tukô gna kul yóm ofi tmahà ke kifu.

Kehewà 10:2

ne anì wen angat tulónem bè yó kem ngaem ne bè yó kem téméem yóm klaen dù gmò le yó kem tau Idyip bè yóm kmou du lem blóng le yó kem tey hentaw ton. Ne bè yó gónó ye temngón du yóm kdê ye ou se yóm sana Dwata hol gónó mogot.”

Kehewà 12:25

Ke deng ye husek bè yóm benwu deng fasad Dwata kuy, hol nmò ye nim hlolò Dwata kuy ni.

Kem Lingón 44:1

Ó Dwata, deng hol kum klingu se mungol du yóm tehe tulón le kum yó kem fù me, duhen yóm kdê deng gendengem bè yóm tehe kul kdaw ekni.

Dwata 6:20

Angat wen kdawen ksólók le kuy yó kem ngà ye, mon le, ‘Moen du ke gotu hlolò Dwata tekuy ni kem hlau ni?’