Kehewà 12:21 - Udél Dwata: Gna Kesfasad ne Lomi Kesfasad

²¹ Omin Musis gotu htaba kul yó kem tuha gel malak yó kem tau Israél ne monen mò kul, “Ket kmuleng bè kdéen tau Israél mélék le sotu ngà ubiha duhen ke ngà kambing mò tnétéen bè Kdaw Khius.

Kehewà 12:21 Referans Kwoze

Kehewà 12:3

Hol tulón ye bè kdê yó kem tau Israél ni kem hlolou kuy ni. Yó hlolou kul, bè gesfoloen kdaw bè nim bulón ni, ket kmuleng mélék sotu ngà ubiha duhen ke ngà kambing mò ken yóm kun fes lówó.

Isra 6:20

Kdê yó kem tau gel blóng ebè Dwata ne yó kem sfu Libay, deng gotu hfólós le knô le anì mólós kton Dwata kul. Lemwót yó kem sfu Libay, lu fen hmatay kul yó kem ngà ubiha mò utón le bè yóm Kdaw Khius yóm kdéen tau tehe negef deng bud mulék, gomong lemen yó kem tau blóng ebè Dwata ne yó kem kun kwen Libay.

2 Bok Kem Tau Hol Geta 23:21

Yó hlolò Jusaya yóm kdéen tau, monen, “Hol hnigal ye yóm Kdaw Khius mò gónó ye madat yóm sana kuy Dwata hol gónó mogot. Lolò ye yóm deng snulat bè yóm Bok Fasad.”

Juswa 5:10

Bè yóm igò le tolo kmamfù bè Gilgal yó kem tau Israél bè yóm datal moni bè Jiriku, bud hnigal le yóm Kdaw Khius bè yóm móyón kifu bè gesfoloen fat kdaw bè yóm tanay bulón. Yó se yóm bulón tehe kewót le gu bè Idyip yó kem tau Israél.

Lista 11:16

Omin Dwata bud mudél ebè Musis, monen, “Semtifuni hitu folò bè yó kem tau malak yó kem tau Israél, yó kem tau hol nadat le. Nwitem lu ebéléu dini bè dou Gónô ne hdaem lu klohokem.

Kehewà 19:7

Tikóng deng kudél Dwata ebè Musis, omin Musis mosol ne htabahen yó kem tuha gel malak ne tulónen kul yóm kdê deng hlolò Dwata du.

Kehewà 17:5

Ne yó mon Dwata mò ke Musis, “Ni nmoem, miti bè yó kem gel malak yó kem tau Israél mógów ye tukô gna yó kem tau. Nwitem yóm tuged tehe fesem bè él Nayl.

Kehewà 12:11

Bè yóm kifu kken ye du, eles lesek ye yóm mò nes ye lemwót mung du tlumfà ye ne eles nogot ye tuged ye. Henslò ye mken, yakà ni du yóm mò ken bè Kdaw Khius hlolou kuy mò gónó ye madat do.

Kehewà 3:16

Lemwóti ne, nam e sentifun yó kem tau gónó le mogot yó kem tau Israél ne tulónem kul yóm deng kehegfanu béléem, yóm sana Dwata hol gónó mogot, yóm sana Dwata yó kem tehe fù le Abraham ne Isak ne Jakub. Tulónem kul yóm deng knaulu edini ne yóm deng ktonu du yóm nmò le bélê le yó kem tau Idyip.

1 Kurin 10:4

Yóm botu yó, hnigaden Krays, ne là se kóen skó yóm tendo kmungen kul bè yóm tehe kógów le yó.

Hibru 11:28

Bud lemwót bè yóm kehtahuhen, yó gónón tódô mimón yóm sotu hlolò Dwata anì wen yóm Kdaw Khius. Yó hloloen kul, hetsik le bè bak dól le yóm litô yóm ubiha deng hnatay le anì yó, ke sok sut yóm hógów Dwata mit hatay, là hnatayen yó kem ngà le logi twogu bè yó kem tau Israél.