Kehewà 12:2 - Udél Dwata: Gna Kesfasad ne Lomi Kesfasad

² “Nim bulón ni, ni se hol tanay bulón bélê ye bè yóm lomi halay.

Kehewà 12:2 Referans Kwoze

Kehewà 34:18

Tendo gel nmò ye yóm Kehligal bè Kken ye yóm Mambang Laen Dù Bulung Henoken, hol lómón yóm deng hlolou kuy. Hitu kdaw ye mken du yóm mambang laen dù bulung henoken bè yóm bulón Abib abay se yó se yóm bulón tehe ktebel ye yóm benwu Idyip.

Hlolò 23:5

Yóm tanay kehligal hmou kuy, duhen yóm kehligal ye mò du yóm ken bè Kdaw Khius. Yóm kehligal ye yó, hol nbut nmò ye bè sdef kdaw bè yóm gesfoloen fat kdaw bè yóm tanay bulón.

Istér 3:7

Bè yóm deng gesfoloen lewu halay deng kkamal Sérksis, bè yóm tanay bulón yóm bulón boluy le du Nisan, wen atù nmò Haman. (Yó boluy le du yóm atù yó, purim.) Yó gónón mò du mò gónón temngón du ke kilón yóm kdaw ne bulón angat kmoen du yóm atulen bè yó kem Ju. Tahu se, gfan bè yóm atù nmoen yó bè gesfoloen tlu kdaw bè yóm gesfoloen lewu bulón, yóm bulón boluy le du Adar kmoen du yóm atulen.

Kehewà 12:1

Yó udél Dwata ebè Musis ne Aron bè yó bè Idyip, monen,

Kehewà 12:3

Hol tulón ye bè kdê yó kem tau Israél ni kem hlolou kuy ni. Yó hlolou kul, bè gesfoloen kdaw bè nim bulón ni, ket kmuleng mélék sotu ngà ubiha duhen ke ngà kambing mò ken yóm kun fes lówó.

Kehewà 12:18

Tódô lenwóten bè yóm kifu bè gesfoloen fat kdaw bè yóm tanay bulón efet kól bè yóm kifu bè yóm gewuhen folò sotu kdaw bè yóm bulón yó, hol bê ye abay ken yóm mambang wen bulung henoken.

Kehewà 40:17

Duhen yó, bè yóm tanay kdaw bè yóm tanay bulón bè gewuhen halay kogol yóm kehewà le gu bè Idyip, hdà le yóm Gónô Dwata gel nit le mógów.