Kehewà 12:18 - Udél Dwata: Gna Kesfasad ne Lomi Kesfasad

¹⁸ Tódô lenwóten bè yóm kifu bè gesfoloen fat kdaw bè yóm tanay bulón efet kól bè yóm kifu bè yóm gewuhen folò sotu kdaw bè yóm bulón yó, hol bê ye abay ken yóm mambang wen bulung henoken.

Kehewà 12:18 Referans Kwoze

Kehewà 12:15

Bè yóm gel kmò ye du ket halay, hitu kdaw ye là tagad mò bulung henoken yóm mambang gel ken ye. Bè yóm tanay kdaw gotu kó ye ke wen bulung henok mambang nô lem gónô ye. Ke wen sotu bélê ye mken du yóm mambang wen bulung henoken lem yóm hitu kdaw, là bud homongu du ne bè yó kem dou tau yóm tau yó.

Matyu 26:17

Timbow hto yóm tanay kdawen bè yóm mò ken bè yóm gel kken yóm mambang laen dù bulung henoken, mógów le ebè Jisas yó kem gel lemolò du, snólók le béléen, mon le, “Gónóm tô hmò du kum de yóm ken tekuy bè nim mò ken bè Kdaw Khius ni?”

Juswa 5:10

Bè yóm igò le tolo kmamfù bè Gilgal yó kem tau Israél bè yóm datal moni bè Jiriku, bud hnigal le yóm Kdaw Khius bè yóm móyón kifu bè gesfoloen fat kdaw bè yóm tanay bulón. Yó se yóm bulón tehe kewót le gu bè Idyip yó kem tau Israél.