Kehewà 12:17 - Udél Dwata: Gna Kesfasad ne Lomi Kesfasad

¹⁷ Tendo nulit nmò ye ket halay nim mò ken ni mò gónó ye hemtulón du nawa yóm kdaw kehewau kuy gu bè Idyip. Nim hlolou kuy ni, laen dù mtukul sónen yóm gel kmò ye du.

Kehewà 12:17 Referans Kwoze

Kehewà 12:41

Bè yóm hol són kdaw bè yóm halay yó, tódô kdê yó kem tau Dwata gotu tnagak le yóm benwu Idyip yó.

Kehewà 7:5

Yó he ketngón le do yó kem tau Idyip, ou yóm sana Dwata hol gónó mogot ke sok tayalu eta sigelu mò tmafak kul ne ke sok nwitu hewà bè yóm kul benwu yó kem tau Israél.”

Lista 20:16

Ne yó nmò me, tey kehkodu me bè Dwata anì tnóbóngen mi. Ne tahu se, gungolen yóm kehkodu me yó, yó gónón wen hógówen gu bè longit hwiten ebélê me mò malak kum hewà gu bè Idyip. Ne ni kmoen ni, deng me kól bè Kadis, yóm ngà benwu gkilil bè yóm benwu nogotem.

Kehewà 12:6

Duhen yó, lemwót bè yóm gesfoloen kdaw bè nim bulón ni efet kól bè gesfoloen fat kdaw, hol hentilob ye semgyok du yóm ubiha deng nélék ye. Ke sok deng sdef kdaw bè yóm gesfoloen kdaw yó, tódô kdê yó kem tau Israél gotu hmatay yóm ubiha deng nélék le.

Kehewà 12:14

Yó udél Dwata, monen, “Hol gel hnigal ye ke sok bud kól nim Kdaw Khius ni mò gónó ye hemtulón du nawa yóm deng nmou bélê ye. Bê ye abay nmò sónen yóm tendo gel kulit kmò ye du ket halay.

Kehewà 12:24

Hol nimón ye nim hlolò Dwata kuy ni efet kól bè laen dù tul sónen dalang se yó kem lugod ye.

Kehewà 34:18

Tendo gel nmò ye yóm Kehligal bè Kken ye yóm Mambang Laen Dù Bulung Henoken, hol lómón yóm deng hlolou kuy. Hitu kdaw ye mken du yóm mambang laen dù bulung henoken bè yóm bulón Abib abay se yó se yóm bulón tehe ktebel ye yóm benwu Idyip.