Kehewà 12:16 - Udél Dwata: Gna Kesfasad ne Lomi Kesfasad

¹⁶ Bè yóm tanay kdaw ne bè yóm ghituhen kdaw hol ye stifun tmaba ebéléu. Hol bê ye abay mò nmò bè yó kem kdaw yó, okóm là sideken ke tmógó ye ken.

Kehewà 12:16 Referans Kwoze

Kehewà 16:23

Yó mon Musis mò kul, “Yó hloloen kuy yóm sana Dwata hol gónó mogot, haya yóm Kdaw Kehegnô hol hetfing ye ebéléen yóm kdaw yó. Eles tnétê ye kemdaw ni yóm kuy nóyô tnétê ne eles tnógó ye ni yóm kuy nóyô tnógó. Ke wen dù tebel, hol henyu ye mò ken ye haya.”

Hlolò 23:35

Bè yóm hol tanay kdaw, gotu ye stifun tmaba ebè Dwata ne hol béen tagad wen mò nmò.

Hlolò 23:21

Bè yóm kdaw yó, hol béen wen tagad mò nmò okóm hol ye stifun tmaba ebè Dwata. Yóm hlolò Dwata kuy yó, angat bud lolò yó kem semfu gu bélê ye balù kihu gónó le nô. Ne laen kô dù sónen yóm klolò le du.

Kehewà 20:10

okóm yóm kdaw ghituhen yó se yóm Kdaw Kehegnô hetfing ye ebéléu. Bè yóm kdaw yó, béen abay wen bélê ye mò nmò, balù uu ne yó kem ngaem ne yó kem hesekem ne yó kem ógófem, duhen ke kem tau milo nô bè yóm kuy benwu, hol bê le abay mò nmò.

Kehewà 16:29

Hol bê ye abay klifót, ou se yóm sana Dwata hol gónó ye mogot, deng blayu kuy yóm ghituhen kdaw mò kdaw ye hegnô. Yó gónóhem mon bè yóm gnemen kdaw, hbongu yóm ken blayu kuy anì kóyów bè lewu kdaw. Bè yóm ghituhen kdaw yó, tódô ket tau henek bè kun gónô ne hol béen abay tebel yóm gónóen yó.”

Kehewà 16:5

Okóm bè yóm gnemen kdaw, hyu ke sfeng bè lewu kdaw yóm nwa le ne eles hentifes le mò ken le bè yóm ghituhen kdaw.”

Kun Snulat Jan 19:31

Yóm kdaw yó, suluk yóm sotu Kdaw Kehegnô alì bong muhen bè yó kem Ju. Là móyô le du yó kem Ju wen glalen ke gafit yóm kdaw yó yóm ketléwéng lówó yó kem tau deng htutuk le bè kros. Yó gónó le na a smólók du bè Paylét ke hyu na a hetfok ti le yó kem tau tléwéng bè yó anì géhél nwa le lu elaan.

Kehewà 34:18

Tendo gel nmò ye yóm Kehligal bè Kken ye yóm Mambang Laen Dù Bulung Henoken, hol lómón yóm deng hlolou kuy. Hitu kdaw ye mken du yóm mambang laen dù bulung henoken bè yóm bulón Abib abay se yó se yóm bulón tehe ktebel ye yóm benwu Idyip.

Isaya 1:13

Laen kô dù ofol ye du yó kem gel nwit ye ebéléu yó. Tey keklitu du yóm insinsu gel ntem ye gel hboo ye ebéléu. Ne tey kekbéu du snéen yóm gel kestifun ye tmaba ebéléu bè ksut yóm Lomi Bulón ne bè yó kem Kdaw Kehegnô ne bè yó kem dumu kdaw ye gel stifun tmaba ebéléu. Yó gónóhu kembê du yóm kdéen ni abay se là kô tenflok ye du yóm kmò ye sidek.