Kehewà 12:15 - Udél Dwata: Gna Kesfasad ne Lomi Kesfasad

¹⁵ Bè yóm gel kmò ye du ket halay, hitu kdaw ye là tagad mò bulung henoken yóm mambang gel ken ye. Bè yóm tanay kdaw gotu kó ye ke wen bulung henok mambang nô lem gónô ye. Ke wen sotu bélê ye mken du yóm mambang wen bulung henoken lem yóm hitu kdaw, là bud homongu du ne bè yó kem dou tau yóm tau yó.

Kehewà 12:15 Referans Kwoze

Tekang Kbuten 17:14

Ke wen logi là dengen tnulì, là bud dou tau du ne yóm tau yó abay se là loloen du yóm deng senfasad te.”

Kehewà 34:18

Tendo gel nmò ye yóm Kehligal bè Kken ye yóm Mambang Laen Dù Bulung Henoken, hol lómón yóm deng hlolou kuy. Hitu kdaw ye mken du yóm mambang laen dù bulung henoken bè yóm bulón Abib abay se yó se yóm bulón tehe ktebel ye yóm benwu Idyip.

Kehewà 34:25

Bê ye abay hmung bè yóm ógóf gel dsù ye ebéléu yóm mambang wen bulung henoken. Béen abay wen tebel ye du kól hlafus yóm utón deng dsù ye ebéléu bè yóm Kehligal ye bè yóm Kdaw Khius.

Kehewà 12:8

Bè yóm kifu yó, hol tnétê le yóm ubiha deng hnatay le ne mung ken le bè yó kem som héét ne bè yóm mambang laen dù bulung henoken.

Glasya 5:12

Yó kem tmolok sekban yó, yake bê le dog hensawang yóm alì óyô le mò du yóm kehtulì yó. Hyu ke tódô hlós knafun le knô le ne.

Kul Nmò 12:3

Timbow ton Hirod tey ktimu óyô yó kem Ju bè yóm deng kehfatayen ke Jim, yó gónón bud hekfô ke Pitér snéen. Uma kóm tolo geblà bè yóm kdaw kmò le ken bong bè yóm kken le yóm mambang laen dù bulung henoken.

Kun Snulat Luk 12:1

Sotu kdaw bè yó, tódô le muluk ebè Jisas yó kem tey tau wen, balù hilu libu kwen le, gotu le segdà te hólól ti. Yó gna nmò Jisas, mudél ebè yó kem gel lemolò du, monen mò kul, “Hol ten-gama ye yóm kul kmò yó kem Farisi, yóm gel kehlingu le bè yó kem tau gel tedeng. Yóm kul kmò yó hol lumun ke bólen yóm bulung henok mambang.

Matyu 16:12

Omin le yó he temngón du sundu bulung henok mambang du yóm tendoken, okóm yóm kul ktolok yó kem Farisi ne yó kem Sadyusi.

Malakay 2:12

Yóm tau mò du yó, Dwata he hol mkó du lem blóng yó kem tau Israél yóm tau lómónen yó nmoen. Là buden hyu ke bud wen nwiten se kun mò blayen ebè yóm Dwata laen dù là gbeken du.

Kehewà 31:14

Hol ye hegnô bè yóm dou kdaw abay se deng hetfingu yóm kdaw yó. Ke wen tau là lemolò du nim monu ni ne deng mom mò nmò bè yóm kdaw yó, tódô hnatay kmò du.

Kun Snulat Luk 2:43

Tikóng le deng skas gu bè yóm mò ken bong yó, mulék le ne yó kem tuha Jisas, fen tagak ke Jisas kun. Là dog tngón kem tuhahen du yóm ktagaken yó.

2 Tutul Israél 30:21

Duhen yó, hitu kdaw yó kem tau stifun bè Jirusalim hmigal du yóm Kehligal bè yóm Mambang Laen Dù Bulung Henoken. Ket kdaw yó kem sfu Libay ne yó kem tau gel blóng ebè Dwata semngal ebè Dwata, hmung le bè yóm tey uni yó kem gel huni le.

Isra 6:22

Tikóng deng kken le yó kem yó, bud hitu kdaw le mò du yóm Kehligal le Mken yóm Mambang Laen Dù Bulung Henoken. Ya tey kehligal le abay se deng tenles Dwata kehedem yóm tau hol geta bè Asirya boluyen Sirus, botong tnóbóngen lu bè yóm kehdà le du yóm Gónô Dwata yóm sana kul Dwata yó kem tau Israél.