Kehewà 12:14 - Udél Dwata: Gna Kesfasad ne Lomi Kesfasad

¹⁴ Yó udél Dwata, monen, “Hol gel hnigal ye ke sok bud kól nim Kdaw Khius ni mò gónó ye hemtulón du nawa yóm deng nmou bélê ye. Bê ye abay nmò sónen yóm tendo gel kulit kmò ye du ket halay.

Kehewà 12:14 Referans Kwoze

2 Bok Kem Tau Hol Geta 23:21

Yó hlolò Jusaya yóm kdéen tau, monen, “Hol hnigal ye yóm Kdaw Khius mò gónó ye madat yóm sana kuy Dwata hol gónó mogot. Lolò ye yóm deng snulat bè yóm Bok Fasad.”

Kehewà 12:24

Hol nimón ye nim hlolò Dwata kuy ni efet kól bè laen dù tul sónen dalang se yó kem lugod ye.

Kehewà 12:17

Tendo nulit nmò ye ket halay nim mò ken ni mò gónó ye hemtulón du nawa yóm kdaw kehewau kuy gu bè Idyip. Nim hlolou kuy ni, laen dù mtukul sónen yóm gel kmò ye du.

Matyu 26:13

Tódô tulónu kuy ktahuhen,” mon Jisas, “balù kihu gónón angat e mból bè klamangen benwu yóm Tulón Hyu lemwót bè Dwata, tendo gel gboluy snéen kun nim libun ni lemwót bè yóm deng nmoen béléu.”

Kem Lingón 135:13

Yóm kóm boluy, Dwata, laen dù tul sónen. Tódô ket lugod tau gotu temngón du yóm któtólem.

Kem Lingón 111:4

Là kô klifót kem tau du yó kem hentaw ton nmò Dwata. Tey hyu yóm Dwata tekuy, lelen tey kmodu tau.

Kehewà 5:1

Omin Musis ne Aron mógów ebè Faro bè Idyip ne mon le mò du, “Yó udélen ebéléem yóm sana kum Dwata yóm hol gónó me mogot kem tau Israél, monen, ‘Hol hewótem lu yó kem dou tau anì na le e mò ken bong bè yóm benwu laen hol wen tauhen mò gónó le madat dou.’ ”

Kun Snulat Luk 22:19

Ominen bud ma yóm mambang, ne nan bud dóyón Dwata, ominen yó kembéng du, ne blayen kul, monen mò kul, “Nim mambang kenbéngu bélê ye ni, ni se dou lówó angat gamà bélê ye. Ken ye mò gónó ye hemtulón dou nawa.”

Sikaraya 6:14

Lemwót yóm kuruna yó, sù ye lem yóm Gónô Dwata mò gónó ye hemtulón kul nawa le Hilda ne Tubidya ne Jidaya ne Jusaya ngà Sifanaya, yó kem tau gónón gu lemwót.

1 Samwél 30:25

Lenwóten bè yóm kdaw yó, yó se udin hlolò Dabid yóm kdê tau Israél ne efet nim kmoen ni sana klolò le du.

Juswa 4:7

tulón ye kul, mon ye, ‘Yóm tehe ktihang le du mifal Él Jurdan yóm Slungan Fasad, botong tódô teflok lel yóm él. Ni kem botu ni mò tendo heftulón du bè nawa yó kem tau Israél yóm tehe nmò Dwata bè ni.’ ”

Lista 16:40

Nim lafin lenubaken ni mò eles gónó le temgama yó kem tau Israél anì laen dù tau mógów bè solu Dwata mò mtem insinsu ke là tauhen semfu gu bè Aron. Ke wen tólóng tau tô mò du angat mkél kul le Kura ne yó kem lemolò du, gotu le meglà matay. Tahu se, gotu nmò Ilisar yóm kdê deng hlolò Dwata du hlanen bè Musis.

Kehewà 12:6

Duhen yó, lemwót bè yóm gesfoloen kdaw bè nim bulón ni efet kól bè gesfoloen fat kdaw, hol hentilob ye semgyok du yóm ubiha deng nélék ye. Ke sok deng sdef kdaw bè yóm gesfoloen kdaw yó, tódô kdê yó kem tau Israél gotu hmatay yóm ubiha deng nélék le.

Hlolò 23:6

Hayahen bè yó duhen yóm gesfoloen limu kdaw, nbut ye ne mò du yóm kehligal ye mken du yóm mambang laen dù bulung henoken. Nbuten bè yóm kdaw yó, hitu kdaw ye là tagad mken du yóm mambang wen bulung henoken.Bè yóm hol tanay kdaw ye mò du, hol ye stifun tmaba ebè Dwata ne hol béen abay wen tagad mò nmò.

Dwata 6:8

Yó kem hlau Dwata yó, eles bkes ye te henmù ye ne sù ye lem uyó ye mò tendo heftulón du bè nawa ye.