Kehewà 12:13 - Udél Dwata: Gna Kesfasad ne Lomi Kesfasad

¹³ Yóm litô nô bè hehek yóm bak dól ye mò ilô yóm gónô gónó ye nô. Bè yóm kógówu, ke tonu yóm litô yó tódóe mius. Là kô naw e hensidek kuy bè yóm ktafaku yó kem tau Idyip.”

Kehewà 12:13 Referans Kwoze

Hibru 11:28

Bud lemwót bè yóm kehtahuhen, yó gónón tódô mimón yóm sotu hlolò Dwata anì wen yóm Kdaw Khius. Yó hloloen kul, hetsik le bè bak dól le yóm litô yóm ubiha deng hnatay le anì yó, ke sok sut yóm hógów Dwata mit hatay, là hnatayen yó kem ngà le logi twogu bè yó kem tau Israél.

Kehewà 12:23

Ke mógów bè klamangen Idyip Dwata anì nan e hnatay yó kem ngà logi twogu yó kem tau Idyip, ne ke tonen yóm litô nô bè hehek bè bak dól ye ne bè yóm hlekel tahen, tódô nius yóm hógów Dwata mit hatay yó yóm gónô ye.

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.

Tekang Kbuten 17:11

Lenwóten ni, gotu tnulì ye yó kem ngà logi bélê ye deng wolu buteng le sut. Homong ye yó kem kul ngà logi yó kem hesek ye sut lem gónô ye, ne kem ngà logi yó kem hesek benli ye lemwót bè tólóng benwu. Yóm nmò ye ni mò ilô yóm deng kesfasad te.

1 Tisalunika 1:10

Tulón le kum snéen yóm tendo kingat ye yóm bud kkól yóm Ngà Dwata gu bè longit, duhen Jisas yóm tehe hlowil Dwata. Bud du se yóm lemwà tekuy gu lem yóm angat ktafak Dwata yó kem tau là mimónen.

Juswa 2:12

Ne ni smafà ye do bè yóm kuy Dwata yó, hol nmò ye bè yó kem fes lówóhu yóm hyu deng nmou bélê ye. Mò ye do ilô mò gónóhu smalig kuy.

Kehewà 12:11

Bè yóm kifu kken ye du, eles lesek ye yóm mò nes ye lemwót mung du tlumfà ye ne eles nogot ye tuged ye. Henslò ye mken, yakà ni du yóm mò ken bè Kdaw Khius hlolou kuy mò gónó ye madat do.

Kehewà 12:7

Omin le ma dumu yóm litô yóm ubiha hnatay le ne lumang le bè hehek yóm bak dól le ne bè yóm hlekel ta yóm bak dól yóm gónô gónó le mken du yóm ubiha yó.

Juswa 2:18

Ni mò hol nmoem ke sok hnusek me nim benwu ni, hol tléwéngem nim fét hulô nii bè yóm bak bngaw yóm gónóm hmoyol kum. Eles nangayem le maem ne yéem ne yó kem logihem ne kdê yó kem fes lówó maem, gotu ye sbung bè ni bè gónóem.