Kehewà 12:12 - Udél Dwata: Gna Kesfasad ne Lomi Kesfasad

¹² Bè yóm kifu yó angate mógów bè klamangen Idyip naw e hmatay yóm kdéen ngà logi twogu, tau duhen ke ógóf ne tnafaku yó kem dwata lennged gel tnaba le bè Idyip. Ou se yóm Dwata hol gónó mogot mon du nim ni.

Kehewà 12:12 Referans Kwoze

Kehewà 12:23

Ke mógów bè klamangen Idyip Dwata anì nan e hnatay yó kem ngà logi twogu yó kem tau Idyip, ne ke tonen yóm litô nô bè hehek bè bak dól ye ne bè yóm hlekel tahen, tódô nius yóm hógów Dwata mit hatay yó yóm gónô ye.

Sifanaya 2:11

Angat tey sidek kehlikò Dwata kul lemwót bè yóm sulék kegbaen yóm kdê dwata lennged le. Bè yóm kton le du yó kem tau bè klamangen benwu nim ni, angat són ebè Dwata gónó le e tmaba ne tódô ket kul ne sotu tmaba ebéléen bè yóm kul benwu.

Kem Lingón 82:6

Yó tehe monu mò kul yó kem tau kmukum yó, ‘Lómón ke dwata ye, hono ye ngà yóm Dwata Hol Dandónen Geta.

Kem Lingón 82:1

Dwata se fen kmukum bè longit, knukumen yó kem tau mogot kukum te tonok.

Kehewà 6:2

Yó udél Dwata ebè Musis, monen, “Ou se yóm sana Dwata hol gónó mogot.

Amus 5:17

Angat tey wen mngawóy bè yó kem gónó le gel mulu grép abay se angate mlan lem blóng le naw e gotu genlà lu. Ou se Dwata nim mudél ni.”

1 Tutul Israél 14:12

Tódô gotu gtebel yó kem Flistin bè yó, yó kem dwata lennged le, ne tódô gotu htem Dabid lu.

1 Samwél 5:3

Hol hlafus hayahen bè yó, tikóng le btik yó kem tau bè Asdod tódô ton le Dagun deng tódô lemokob bè tonok bè solu yóm Slungan Dwata. Omin le bud hdà du bè sana gónón mdà.

1 Samwél 6:5

Nmò ye nim ni mò gónó ye hegfan du yóm kadat ye yóm kul Dwata yó kem tau Israél. Déke bè ni gónón temflok yóm ktafaken tekuy dalang se yó kem dwata ye ne yóm tonok ye.

Kehewà 18:11

Deng tngónu ne yóm sana Dwata hol gónó mogot, du se yóm hol dandónen geta bè yóm kdéen dwata lemwót bè yóm deng kehewaen kuy lem tdok yó kem tau Idyip igò le tey kemhisik kuy.”

Kem Lingón 135:8

Ditu bè Idyip, gotu hnatayen yó kem ngà logi twogu bè ket gónô yó kem tau Idyip, homong hnatayen se yó kem ngà yó kem ógóf le tanay sut.

Kehewà 9:6

Tahu se. Timbow hayahen bè yó, tey wen mlef bè yó kem kul ógóf yó kem tau Idyip lómón yóm deng mon Dwata. Okóm yóm kul ógóf yó kem tau Israél, balù sotu ke wen matay bélê le.

Kem Lingón 91:7

Anien ke lemibu tau matay masà klohokem, ne sfolò libu masà gu hilolem, laen kô dù tódô béléem.

Kem Lingón 95:3

Abay se yóm gónó tekuy mogot, du se Dwata hol gembek bè kdéen. Du se hol dandónen geta gembek senta yó kem dwata kéng.