Kehewà 12:11 - Udél Dwata: Gna Kesfasad ne Lomi Kesfasad

¹¹ Bè yóm kifu kken ye du, eles lesek ye yóm mò nes ye lemwót mung du tlumfà ye ne eles nogot ye tuged ye. Henslò ye mken, yakà ni du yóm mò ken bè Kdaw Khius hlolou kuy mò gónó ye madat do.

Kehewà 12:11 Referans Kwoze

Kehewà 12:27

mon ye mò kul, ‘Ni se yóm kedsù tekuy ebè Dwata bè yóm Kdaw Khius mò gónó tekuy hegfan du yóm kadat tekuy du, abay se tehe niusen yó kem gónô yó kem tau Israél bè Idyip bè yóm khatayen yó kem ngà logi twogu yó kem tau Idyip, okóm fen hlowilen tekuy.’ ” Timbow gungol le yóm udél Musis yó, gotu le mtud bukol yó kem tau Israél, dóyón le Dwata.

Ifisus 6:15

Yó henged tlumfà tekuy, duhen yóm tendo gel ktulón tekuy yóm Tulón Hyu gónó tau mit sefyu ebè Dwata.

1 Kurin 5:7

Yó gónóm mon, hol kó ye dé yóm ken bali anì laen dù sidek gbool lem blóng ye. Ke yó nmò ye, hol lómón ke yu yóm ken lomi, balù udì ke wen bali gbol du. Ne bè ktahuhen, tódô tngónu ni se yóm hol kuy kmò. Yakà dengen matay Krays bélê tekuy, hol lómón ke du yóm ngà ubiha hnatay le bè yóm Kdaw Khius mò dsù le ebè Dwata.

1 Pitér 1:13

Duhen yó, hol sù ye bè nawa ye sen yóm kimón ye ke Dwata. Bê ye hningay. Hol ken-gel ye nawa yóm hyu angat blay Dwata kuy bè yóm kdaw kesfulék Jisas Krays edini.

Kun Snulat Luk 12:35

Yó bud mon Jisas mò kul, monen, “Eles ye hol htifes. Lómón yó kem tau sónmò le tendo hemku yóm kulék yóm gónó le mogot gu bè yóm ken nuluhen. Deng le eles htifes, ne deng le eles hemtom solok, anì duhe kóm, ke sok kól yóm gónó le mogot ne tmaba, tódô kendel lenungkà le béléen yóm tikeb bak dól.

Hlolò 23:5

Yóm tanay kehligal hmou kuy, duhen yóm kehligal ye mò du yóm ken bè Kdaw Khius. Yóm kehligal ye yó, hol nbut nmò ye bè sdef kdaw bè yóm gesfoloen fat kdaw bè yóm tanay bulón.

Kehewà 12:21

Omin Musis gotu htaba kul yó kem tuha gel malak yó kem tau Israél ne monen mò kul, “Ket kmuleng bè kdéen tau Israél mélék le sotu ngà ubiha duhen ke ngà kambing mò tnétéen bè Kdaw Khius.

Kun Snulat Luk 15:22

Okóm yóm maen, tódô kendel tnabahen yó kem tau mò nmò béléen, ne monen mò kul, ‘Hetlasik géhél nit ye dou edini yóm nes alì tilob mò lesek nim ngau. Ma ye do tising mò suu bè tdoken, ne tlumfaen.

Kun Snulat Luk 7:38

Yóm kkólen bè yó, tódô mdà klohok ti Jisas, ne mkik. Gotu temdak ete ti Jisas yóm lewoken, ne bud ifuhen du weken, gloken melek tihen ne twélen du yóm hboo yó koni.

Kehewà 12:13

Yóm litô nô bè hehek yóm bak dól ye mò ilô yóm gónô gónó ye nô. Bè yóm kógówu, ke tonu yóm litô yó tódóe mius. Là kô naw e hensidek kuy bè yóm ktafaku yó kem tau Idyip.”

Kun Snulat Luk 2:41

Ket halay le gel mógów ebè Jirusalim yó kem tuha Jisas, gel le mung bè yóm mò ken bong bè yóm Kdaw Khius.

Isaya 52:12

Okóm yóm kewót ye yó, là kô ye meslò abay se laen dù henlóy ye. Eles tukô gna kuy yóm Dwata gónó ye mogot ne du se tendo mofin kuy.

Juswa 5:10

Bè yóm igò le tolo kmamfù bè Gilgal yó kem tau Israél bè yóm datal moni bè Jiriku, bud hnigal le yóm Kdaw Khius bè yóm móyón kifu bè gesfoloen fat kdaw bè yóm tanay bulón. Yó se yóm bulón tehe kewót le gu bè Idyip yó kem tau Israél.

2 Bok Kem Tau Hol Geta 23:21

Yó hlolò Jusaya yóm kdéen tau, monen, “Hol hnigal ye yóm Kdaw Khius mò gónó ye madat yóm sana kuy Dwata hol gónó mogot. Lolò ye yóm deng snulat bè yóm Bok Fasad.”