Kehewà 11:6 - Udél Dwata: Gna Kesfasad ne Lomi Kesfasad

⁶ Tey wen demumu mkik bè klamangen Idyip, ne langat là deng sulék gungolem du ne là bud gungolem du ne elem hulin kdaw.

Kehewà 11:6 Referans Kwoze

Kehewà 12:30

Bè yóm kifu yó, gotu le gebtik le Faro ne yó kem genlalen ne kdê yó kem tau Idyip, bà mon tey dlumu kik bè klamangen Idyip, abay se laen dù gmónô ke laen dù ngà logi matay bélê le.

Amus 5:17

Angat tey wen mngawóy bè yó kem gónó le gel mulu grép abay se angate mlan lem blóng le naw e gotu genlà lu. Ou se Dwata nim mudél ni.”

Kun Snulat Luk 13:28

Ngem he,” mon Jisas, “angat tey keheslaf ye dmumu mkik ne sembéhé kakim kesok ton ye lem kun benwu nogot Dwata yó kem tehe fù tekuy, le Abraham ne Isak ne Jakub, ne dalang se yó kem kdê tehe gna tugod Dwata. Okóm yó dum kuy, angat tódô tudà le yu.

Sifanaya 1:10

Yó bud udél Dwata, monen, “Bè yóm kdaw yó, angat wen tey lemangat gungol ye lemwót gu bè yóm Tikeb Utón Él bè Jirusalim. Tódô wen dmumu mkik gungol ye lemwót gu bè Misné, yóm lomi benwu lemnek glem lem Jirusalim ne wen tey uni gbà gungol ye lemwót gu bè yó kem bulul lemnek bè yó.

Jirimaya 31:15

Yó bud udél Dwata, monen, “Wen tey dmumu mkik bè yóm benwu boluyen Rama anì monem, dnumu nkik Rakél yó kem ngaen ne là kô wen gembek mifa du, abay se là kô bud tonen kul ne.”

Kem Udél Hlalak Tehe Selumun 21:13

Yóm tau là kenmónen du kehkoduhen béléen yóm tau élél, là se wen kemmón du yóm kun kehkodu.

Kehewà 3:7

Omin Dwata bud mudél ebéléen, monen, “Deng tonu yóm alì keglayam yó kem dou tau bè Idyip. Gungolu yóm tey ktaba le ebéléu anì wen lemwà kul bè yóm gónó le ghesek. Gotu tngónu yóm kdê gónó le glayam.

Kehewà 11:7

Okóm yó kem tau Israél tey menek bélê le balù ohu là kô le mbak. Bè nim nmou ni mò gónón gfan ou se yóm Dwata semtólóng yó kem tau Idyip bè yó kem tau Israél.’ ”

Kehewà 9:18

Hlafus haya lómón ni uras, hetbóhu yóm tey bulók kulón, yóm bulók kulón là deng hnikót ton kem tau Idyip du lemwót bè kbut yóm benwu le.

Isaya 19:16

Yó kem tau bè Idyip, angat kól yóm kdaw le lunog lómón klunog libun. Tódô setbol kkel le bè yóm tey klikò le bè yóm kegnóm le du, yóm deng kkuhay Dwata sigelen na a tmafak kul yóm Dwata laen dù là gbeken du.