Kehewà 11:5 - Udél Dwata: Gna Kesfasad ne Lomi Kesfasad

⁵ ne ket ngà logi twogu bè yó kem tau Idyip, gotu le matay lenwóten bè yóm hol kóm ngà, yóm ngà angat bud tô temles kóm kkólen bè ngà yóm libun hesek gel mdek halay. Dalang se yóm kdéen ógóf tanay sut, gotu le matay.

Kehewà 11:5 Referans Kwoze

Kem Lingón 78:51

Gotu hfatayen yó kem ngà le logi twogu yó kem tau Idyip, kem ngà alì mebtes bélê le, hfatayen lu bè klamangen benwu Idyip.

Matyu 24:41

Ke lewu libun mdek, sotu nwiten, sotu se tebelen.

Kem Lingón 136:10

Hol dóyón tekuy Dwata, gotu hnatayen yó kem ngà logi twogu bè yó kem tau Idyip. Laen kô dù tul sónen yóm kbong nawahen tekuy là monolen.

Kem Lingón 135:8

Ditu bè Idyip, gotu hnatayen yó kem ngà logi twogu bè ket gónô yó kem tau Idyip, homong hnatayen se yó kem ngà yó kem ógóf le tanay sut.

Kem Lingón 105:36

Ngangen efet hfatay Dwata yóm ngà logi twogu bè ket kmuleng bè yó kem tau Idyip. Yóm ngà le bè tolo tukô nawa le.

Kehewà 12:29

Hol sóól buteng se gotu hnatay Dwata yóm kdéen ngà logi twogu yó kem tau Idyip, lenwóten bè ngà Faro, yóm ngaen bud tô temles du, kkólen bè ngà yóm tau knukub le ditu bè gónón kmifu. Dalang se yóm kdéen tanay sut bè yó kem ógóf le gotu matay.

Kehewà 12:12

Bè yóm kifu yó angate mógów bè klamangen Idyip naw e hmatay yóm kdéen ngà logi twogu, tau duhen ke ógóf ne tnafaku yó kem dwata lennged gel tnaba le bè Idyip. Ou se yóm Dwata hol gónó mogot mon du nim ni.

Kehewà 4:23

Deng monu mò kóm, hol hewótem yóm dou ngà anì tmaba ebéléu. Okóm là kói dog móyô. Mlan bè nim nmoem ni, gónóhu hmatay yóm ngaem logi twogu.’ ”

Hibru 11:28

Bud lemwót bè yóm kehtahuhen, yó gónón tódô mimón yóm sotu hlolò Dwata anì wen yóm Kdaw Khius. Yó hloloen kul, hetsik le bè bak dól le yóm litô yóm ubiha deng hnatay le anì yó, ke sok sut yóm hógów Dwata mit hatay, là hnatayen yó kem ngà le logi twogu bè yó kem tau Israél.

Kmukum 16:21

Omin le kemfô du yó kem Flistin ne lensit le matahen. Nwit le ebè Gasa, nfét le yóm tey kdina mgemel ne ditu lem gónô blanggù senflós le hgaling du silà.