Kehewà 11:3 - Udél Dwata: Gna Kesfasad ne Lomi Kesfasad

³ Bè yóm kdaw yó, deng eles wen hefedem Dwata yó kem tau Idyip anì wen nawa le ebè yó kem tau Israél. Bè ktahuhen, tey kadat le ke Musis yó kem genlal Faro dalang se yó kem kdéen tau bè Idyip.

Kehewà 11:3 Referans Kwoze

Kehewà 12:36

Lemwót bè yóm deng hefedem Dwata yó kem tau Idyip, yó gónón wen nawa le ebè yó kem tau Israél, tódô blay le kul kihu nóyô hni le bélê le. Bè nim ni, tey wen nwit kem tau Israél yóm kul kendengen yó kem tau Idyip.

Kehewà 3:21

Angat wen hefedemu yó kem tau Idyip anì wen nawa le kuy. Duhe kóm, bè yóm angat kewót yó kem dou tau, là kô le na a lemwót hkawang.

Deng Hegfan 3:9

Ngem, deng wen bélê ye nfun Seitan, duhen yó se kem tau snalig le yóm ktau le Ju. Okóm sundu dou tau du yó kem tau yó. Angat htudu lu bukol bè solu ye, yó se mò gónó le temngón du yóm kbong nawahu kuy.

Isaya 60:14

Yó kem ngà logi yó kem tau tehe hemgnok kóm, angat le mógów ebéléem na le e heglaan béléem, yó se mò lan le hol hegfan du yóm kadat le kóm. Kdê yó kem tau tehe kemhisik kóm, angat tey keheglaan le béléem. Yó angat boluy le kóm, ‘Syudad Dwata.’ Sotu bud kboluy le kóm, ‘Sayun, syudad yóm kul Dwata yó kem tau Israél yóm Dwata laen dù belenen.’

Kem Lingón 106:46

Lemwót bè kun nmò Dwata, bud mulék kodu le kul yó kem tau tehe megef kul.

Tekang Kbuten 39:21

Bede là kô tnagak Dwata ke Jusif, tendo tnóbóngen. Ne yó gónón hyu nawan ebè Jusif yóm tau mentey gónô blanggù.

Kul Nmò 7:22

Gotu hefnagien du yóm kul kmò ketngón yó kem tau Idyip. Baling tótól Musis lemwót bè khulungen mudél ne bè kehyu nmoen.

Istér 9:4

Deng tey tótól bè klamang yóm benwu yó yóm alì kfasang Murdikay lemwót bè yóm alì kbong glalen bè yó bè gónô bong ne sónmoen temnù yóm glalen yó.

2 Samwél 7:9

Ket gónóhem e solu, elese tendo nô béléem, ne gotu genlau yóm kdê hohonem bè ket kesfatayem. Ne ni, htótólu boluyem bè klamangen benwu lómón któtól boluy yóm tau alì mfasang talak tonok.

Dwata 34:11

Laen dù dumu tugod Dwata ke deng mò du yó kem tey dê hentaw ton deng hmò Dwata ke Musis ditu bè Idyip bè solu Faro ne bè yó kem genlalen ne bè klamangen benwu le.

Tekang Kbuten 12:2

Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Kehewà 12:35

Blaem yó kem tau Israél, deng le eles mni kem ngom libun nmò le bè tahu blówón ne bè blówón bukay bè yó kem tau Idyip, ne wen se kem nes deng eles hni le lómón yóm deng mon Musis mò kul.

Dwata 34:10

Laen dù dumu tugod Dwata bè yó bè Israél ke mkél ke Musis, yóm tódô kessuyó le Dwata ke gel le stulón.

Juswa 4:14

Yó nmò Dwata bè yó kem tau Israél bè yóm kdaw yó, hdilóen bélê le Juswa mò fen malak kul. Bè yóm klawi Juswa mowil tey kadat le du hol lómón yóm tehe kadat le ke Musis.