Kehewà 11:2 - Udél Dwata: Gna Kesfasad ne Lomi Kesfasad

² Ne ni, mudéli ebè yó kem tau Israél anì eles le mni bè yó kem tau Idyip dumu le sebét yó kem ngom libun nmò le bè tahu blówón ne bè blówón bukay.”

Kehewà 11:2 Referans Kwoze

Kehewà 3:22

Gu laan le là deng lemwót he yó nmò yó kem libun Israél na le mógów ebè yó kem libun Idyip kul dumu sebét, duhen ke bè yó kem libun Idyip mauy bè yó kem dumu le sebét yó na le e mni bélê le nes ne ngom libun nmò le bè tahu blówón ne blówón bukay. Yó kem hni le yó, angat gotu leket le bè yó kem ngà le logi ne bè yó kem ngà le libun. Yó gónóm mon, tey wen nwit yó kem dou tau lemwót bè kul kendengen yó kem tau Idyip.”

Matyu 20:15

Ilóem laen dù dou kwalis mò du yóm dou kóyô bè yóm dou filak? Nófô ye kô yóm kkoduhu yó kem tau huli mò nmò?’ ”

Hagay 2:8

Hono dou yóm kdéen tahu blówón ne kdéen blówón bukay bè klamangen benwu.

Kem Udél Hlalak Tehe Selumun 13:22

Yóm tau hyu kmoen gel tnebelen umun yó kem téméen, okóm yóm kul kendengen yó kem tau gemsalà, nô bè yó kem tau tedeng kmò le.

Kem Lingón 105:37

Omin Dwata malak kul hewà gu bè Idyip yó kem tau Israél. Wen kem tahu blówón ne blówón bukay nit le. Tódô kdê le sal hyu klówó le, ne tey le kemgis.

Kem Lingón 24:1

Dwata se mfun du yóm klamangen benwu ne yóm kdéen nô lemen. Ne kdéen tau nô tahen, hono kun.

Kehewà 32:24

Yó gónóhu mni bélê le ngom. Tahu se, gotu lenkas le yó kem ngom blówón le ne blay le do. Ominu gotu mbot kul elem ofi ne yó gónón e baling ngà safì tudu.”

Tekang Kbuten 31:9

Deng Dwata se gotu ma du bè mà ye yó kem dumu ógófen ne blayen dou.

Tekang Kbuten 24:53

Ominen gotu bemlay du ke Ribika yó kem nes libun nwiten ne yó kem ngom libun nmò le gu bè tahu blówón ne gu bè blówón bukay. Ne bud wen se kem kimu mebtes blayen yóm logi Ribika ne bè yéen.

Kehewà 3:21

Angat wen hefedemu yó kem tau Idyip anì wen nawa le kuy. Duhe kóm, bè yóm angat kewót yó kem dou tau, là kô le na a lemwót hkawang.