Kehewà 10:7 - Udél Dwata: Gna Kesfasad ne Lomi Kesfasad

⁷ Yó mon yó kem genlal Faro, “Kegenen de duen sónmò kesbewegen tekuy nim tau ni? Géhél hewótem lu ne yó kem logi Israél anì na le e tmaba ebè yóm sana kul Dwata hol gónó mogot. Là gnómem du kô kóm yóm deng keglà yóm benwu Idyip?”

Kehewà 10:7 Referans Kwoze

1 Samwél 18:21

Yó hendemen, “Ni yóm sotu lan hmolot ke Dabid anì hnatay yó kem Flistin.” Okóm yó udélen ebè Dabid, monen, “Bud wen se kmò klanen anì gtowuhu uu.”

Juswa 23:13

tódô eles tulónu kuy, là kô bud lo Dwata du bélê ye ni kem dù hohon ye ni ke sok nundug ye lu. Deng mom lu gónó ye gholot, duhen ke lu yóm blatik gónó ye bkó. Ne tey sidek kdesen bélê ye, lómón ke nfes le gu tekwang ye ne lómón ke huling ye sual. Ngangen mò du bélê ye yóm yó efet ye gotu mekfung ta nim tey tonok hyu deng blayen kuy yóm sana kuy Dwata hol gónó mogot.

Kehewà 23:33

Hol bê ye abay hbenwu lem blóng ye yó kem tau yó. Ke henmóyô ye lu, gemsalà ye béléu lan le mit kuy hlayuk béléu. Ke gbót ye tmaba ebè yó kem kul dwata kéng, yó se gónó ye gholot.”

1 Kurin 7:35

Là kô yó gónóhu mon du nim ni ke udélu hemseng kuy bè kyehen ye. Yó dé gónóhu mon du, kóyóu ke wen gónóhu gemtóbóng kuy. Yó nóyóu bélê ye ke laen dù gónó ye geskét bè klolò ye yóm gónó tekuy mogot anì mekteng kmò ye du yóm hmoen kuy.

Sifanaya 1:18

Bè yóm kdaw alì kebut Dwata kul yó, laen kô dù lanen lemwà kul yó kem blówón bukay le ne yó kem tahu blówón le. Yóm kebut Dwata kul yó hol lómón ke ofi, angat gotu kenen yóm klamang tonok. Angat kendel nmoen són le yóm kdéen tau talak tonok.

Isaya 14:20

Lemwót bè kehsidekem du yóm kóm benwu ne lemwót bè khatayem yó kem tau nogotem, yó gónó le là hsenged du bè dumu tau hol geta yóm kebeng le kóm. Laen dù bè yó kem fes lówóhem alì sidek balu le angat mowil.

Kem Udél Hlalak Tehe Selumun 29:6

Yóm tau gel mò sidek mom gholot bè yóm kun salà, okóm yóm tau tedeng kmoen mom semngal ne hligal se kun.

Kem Lingón 107:34

Ne yóm tonok hyu mò hulu tahen, deng henbalingen tonok laen dù bud hulu tmowok du. Yó gónón mò du yóm yó, lemwót bè yóm sidek nmò yó kem tau nô tahen.

Kehewà 8:19

ne yó mon yó kem tau demwata bè Faro, “Dwata se mò du nim ni.” Okóm sana tolo tey kgel kulu Faro. Là kô nan e hnungol kul le Musis ne Aron, hol lómón yóm deng mon Dwata.

Kehewà 7:5

Yó he ketngón le do yó kem tau Idyip, ou yóm sana Dwata hol gónó mogot ke sok tayalu eta sigelu mò tmafak kul ne ke sok nwitu hewà bè yóm kul benwu yó kem tau Israél.”

Kehewà 12:33

Ya tey keheslò le kul yó kem tau Idyip anì géhél tebel le yóm benwu yó. Yó mon le, “Ke là géhél ye lemwót angat me gotu matay.”

1 Samwél 5:11

Omin le yó bud semtifun yóm kdéen tau mogot bè Flistin, mon le mò kul, “Bud hulék ye kut bè yóm sana kun gónó nô yóm Slungan yóm Dwata yó kem tau Israél anì là hnatayen tekuy.” Bè klamang yóm syudad yó, ya tey sidek klikò le abay se deng wen matay bélê le.