Kehewà 10:6 - Udél Dwata: Gna Kesfasad ne Lomi Kesfasad

⁶ Tódô tfeng tlangas lem gónô bongem ne lem gónô yó kem genlalem ne lem gónô yó kem tauhem. Tey gedlug kwen le senta yó kem tlangas deng tehe ton yó kem fù ye ekni.’ ” Timbow deng kudél Musis, ominen beklil mulék.

Kehewà 10:6 Referans Kwoze

Kehewà 8:21

Ni eles monu mò kóm ke là hewótem kul, tnafaku u mlan bè kehwitu ebéléem yó kem tey lenged wen dalang se ebè yó kem genlalem ne ebè yó kem tauhem. Angat tódô hono lenged lem gónô yóm kdéen tau bè Idyip. Yóm tonok bè klamang benwu le angat tódô hono lenged.

Kehewà 8:3

Yóm él Nayl, angat tódô hono fak. Gotu le mógów ete kembu ebè gónô bongem, elem dfélem, bè gónóm tungô, ebè gónô yó kem genlalem ne ebè gónô yó kem tauhem. Ne balù bè kohù ye ne lem yó kem kuleng ye angat tódô hono fak.

Hibru 11:27

Yóm tehe ktagak Musis yóm benwu Idyip, lemwót bè yóm kehtahuhen bè Dwata là kóen dog likò bè yóm tey kebut Faro du. Hol lómón ke deng eles tonen Dwata, yóm là ton mata tau du, ne yó se hol nimónen.

Juwél 2:2

Hol kdawen gmeeb kifu, kdawen mfól lobun ne mget kifu. Tódô muluk yó kem tey kwen le. Botong tódô baling kmifu ta yó kem bulul bè yóm ksut le. Laen deng hnikót sut he bè yóm kdaw gna ke lómónen ni ne laen se dù bud sut elem hulin kdaw.

Kehewà 11:8

Yó hol són udél Musis bè Faro, monen, “Ni kem kdê genlalem angat le mógów ebéléu, mtud le bukol bè soluhu ne nubug le o anì gotu nitu lu hlayuk yó kem dou tau. Ne tahu se, lemwóte bè yóm kdaw yó.” Omin Musis tódô tmagak ke Faro bè yó, tey sidek kebuten.

Kehewà 11:6

Tey wen demumu mkik bè klamangen Idyip, ne langat là deng sulék gungolem du ne là bud gungolem du ne elem hulin kdaw.

Kehewà 10:11

Là kóe móyô. Olon kem logi ne mógów. Lemwót ye ne na ye e tmaba ebè Dwata ke yó se yóm nóyô ye.” Bè yóm kmonen du yóm yó, omin le hdó kul le Musis bè solu Faro.

Kehewà 9:24

Hetbó Dwata yóm tey bulók kulón mung du yóm silà tendo mkal. Ni he yóm tey bulók kulón ne silà là deng hnikót glumfak le du lemwót bè kbut yóm benwu le.

Juwél 2:9

Tey ketlasik le husek elem yóm syudad, gotu le hkak ta yó kem bengen. Gotu le mkaf elem yó kem gónô, mlan le tembó beng lómón khusek tau mnagaw.

Kehewà 9:18

Hlafus haya lómón ni uras, hetbóhu yóm tey bulók kulón, yóm bulók kulón là deng hnikót ton kem tau Idyip du lemwót bè kbut yóm benwu le.