Kehewà 10:4 - Udél Dwata: Gna Kesfasad ne Lomi Kesfasad

⁴ Ke là bud hewótem kul, haya wen kem tlangas hwitu elem nim benwuhem.

Kehewà 10:4 Referans Kwoze

Deng Hegfan 9:3

Ne wen tey tlangas hewà gu lem yóm kebel, gotu le lememek te tonok. Ne benlay Dwata lu alas mékét, lómón kalas le, ékét syufón.

Juwél 2:25

Yó udél Dwata, monen, “Angat bud huléku ebélê ye yó kem hulu ye deng namà yó kem tey tlangas mfól lem yóm hilu halay. Ou se tehe hemwit du ebélê ye yó kem tey tlangas mfól alì hmayam kuy yó.

Kem Udél Hlalak Tehe Selumun 30:27

Yó kem tlangas balù yóm klaen dù yóm geta bélê le ewenem sana ktilob kesegmung yóm kuluk le.

Kehewà 9:18

Hlafus haya lómón ni uras, hetbóhu yóm tey bulók kulón, yóm bulók kulón là deng hnikót ton kem tau Idyip du lemwót bè kbut yóm benwu le.

Kehewà 9:5

Ou se yóm Dwata deng muteng du ne haya kmou du yóm ni.’ ”

Kehewà 8:23

Bè nim angat nmou ni, mò gónón gfan yóm kestólóngu yó kem dou tau bè yó kem tau Idyip. Haya ksuten nim tey hentaw ni.’ ”

Kehewà 8:10

Yó mon Faro, “Yake haya dé kmoem du.” Mon Musis se, “El. Nmou haya yóm hmoem do yó anì hol tngónem laen dù dumu dwata mkél bè yóm kum Dwata hol gónó mogot.

Kehewà 10:3

Tahu se, bud le mógów ebè Faro le Musis ne Aron, mon le mò du, “Yó udél yóm sana Dwata yó kem tau Hibru, yóm hol gónó mogot, monen, ‘Deng tey kegenen ne yóm là keheglaanem béléu. Hol hewótem lu ne yó kem dou tau anì na le e tmaba ebéléu.

Kehewà 10:5

Tódô tfeng tlangas lem nim benwuhem ni efet là bud tonem du tonok. Gotu ken le yó kem dù tebel là gehsidek bulók kulón du. Balù yó kem koyu dù tebel gotu ken le.

Dwata 28:38

Angat wen tey bnék hulu ye, okóm tek udì nuta ye abay se gotu ken yó kem tlangas yó kem hulu ye yó.

Kehewà 4:23

Deng monu mò kóm, hol hewótem yóm dou ngà anì tmaba ebéléu. Okóm là kói dog móyô. Mlan bè nim nmoem ni, gónóhu hmatay yóm ngaem logi twogu.’ ”

Kehewà 5:1

Omin Musis ne Aron mógów ebè Faro bè Idyip ne mon le mò du, “Yó udélen ebéléem yóm sana kum Dwata yóm hol gónó me mogot kem tau Israél, monen, ‘Hol hewótem lu yó kem dou tau anì na le e mò ken bong bè yóm benwu laen hol wen tauhen mò gónó le madat dou.’ ”