Kehewà 10:27 - Udél Dwata: Gna Kesfasad ne Lomi Kesfasad

²⁷ Bud hgel Dwata kulu Faro, yó gónón là hewót kul yó kem tau Israél.

Kehewà 10:27 Referans Kwoze

Kehewà 10:20

Okóm sana tolo kehgel Dwata kulu Faro, yó gónón là hewót kul yó kem tau Israél.

Kehewà 4:21

Yó bud mon Dwata mò ke Musis, “Bè nim kulékem ebè Idyip ni, hol nmoem bè yóm lomi Faro yóm hentaw ton deng hmou kóm mlan bè yóm kfasang deng suu béléem. Okóm angat hgelu kulu Faro ne là kô nan e hlus kul hewà yó kem tau.

Kehewà 14:8

Tey kehgel Dwata kulu Faro, yó gónón kemtes yó kem tau Israél balù yóm tey kofin Dwata kul bè kewót le.

Kehewà 14:4

Yó bud nmou béléen, bud hgelu kuluhen ne tódô ktesen yu. Ne mlan bè yóm kegmou béléen ne bè yó kem sendaluen gónóhu tótól. Omin le yó he temngón du yó kem tau Idyip ou se yóm sana Dwata hol gónó mogot.” Tahu se, nimón yó kem tau Israél yóm deng mon DWATA mò kul.

Deng Hegfan 9:20

Bong yó kem tau dù tebel, yóm là matay le bè yó kem hlayam yó koni, là se kem dog knogol le du yó kem dwata kéng gel nmò le. Ne là kô kó le du yóm kehtahu le bè yó kem busaw. Ne là se dog kó le du snéen yóm kehtahu le bè yó kem dwata lennged nmò le gu bè blówón mélél ne gu bè blówón bukay ne gu bè botu ne gu bè koyu. Ni kem hentahu le ni, là kô le mton ne là kô le mungol ne là kô le mógów.

Kehewà 10:1

Omin Dwata bud mudél ebè Musis, monen, “Budi lemwót nam e bud ston ke Faro. Deng hgelu kuluhen dalang se kulu yó kem genlalen mò gónóhu hegfan ni kem hentaw ton nmou ni

Sulat Pol Ebè Yó Kem Tau Hemtahu Bè Rom 9:18

Ne duhen yó, bong knodu Dwata yó kem tau nóyô knoduhen, ne hgelen kulu yó kem tau nóyô hgelen kulu le.

Kehewà 11:10

Tahu se, gotu nmò le Musis ne Aron bè solu Faro yó kem hentaw ton hmò Dwata kul yó, okóm sana tolo kehgel Dwata kulu Faro anì là kô hewóten kul bè yóm kun benwu yó kem tau Israél.