Kehewà 10:23 - Udél Dwata: Gna Kesfasad ne Lomi Kesfasad

²³ Yó kem tau Idyip, là kô le bud ston ne balù sotu tau ke gtebelen gónóen bè yó kem kdaw yó. Okóm kul yó kem tau Israél wen layag bè yóm kul gónó nô.

Kehewà 10:23 Referans Kwoze

Kehewà 8:22

Okóm yóm benwu Gusén, yóm benwu gónó le nô bè Idyip yó kem dou tau, là kô homongu du, laen dù lenged tonem bè yó. Yó gónóhu mò du nim ni mò gónóm temngón du ou yóm Dwata mfasang bè nim benwu ni.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Isaya 42:16

Angat nalaku yó kem dou tau butô bè yóm lan là deng kul sulék lan du. Angat henbalingu bélê le layag yóm tehe gónón kmifu ne angat hlóhu bélê le yóm lan sebsuk. Ni se yóm fasadu kul, là kóen bud mulék elem baku.

Kehewà 9:4

Bè yóm nmou ni mò gónón gfan yóm kestólóngu yó kem kul ógóf yó kem tau Israél bè yó kem kul ógóf yó kem tau Idyip. Yóm kul ógóf yó kem tau Israél, balù sotu ke wen matay bélê le.

Kulasi 1:13

Deng lenwà Dwata tu gu lem yóm deng nogot Seitan, ne deng nilihen tu elem yóm kun nogot yóm Ngaen hol gónóhen nô nawahen.

Malakay 3:18

Omin ye yó he mton du yóm gónón stólóng kbalau yóm tau tedeng ne yóm tau gel mò sidek ne gónón stólóng kbalau yóm tau mimón ke Dwata ne yóm tau là mimónen.”

Juswa 24:7

Okóm timbow le kól bè Mohin Hulô yó kem tehe fù ye yó ekni, tey kni le tóbóng béléu ne yó gónóhu bemlóng kul yóm tey kifu mget bè yó kem tau Idyip. Kogolen bè yó, bud hesfuléku eta yó kem sendalù Idyip yóm mohin deng sen-gawagu ne gotu le lemneb yóm kdê le. Deng gotu tngón ye se nim deng tehe nmou bè Idyip ni. Kogolen bè yó, tey kegen ye menwu lem yóm benwu laen hol wen tauhen.

Kehewà 14:20

tódô nô bè gónón sóól bè yó kem tau Idyip ne bè yó kem tau Israél. Yóm lobun bè blóng le yó baling kifu mget bè yó kem tau Idyip okóm fen baling layag bè yó kem tau Israél. Yó se gónó le là gehloni ebélê le suloyen buteng yó kem sendalù Idyip kemtes kul abay se wen yóm tey lobun nô lem blóng le.

Kehewà 9:26

Són benwu Gusén, yóm benwu bè Idyip gónó le nô yó kem tau Israél, gónón laen dù bulók kulón.

Amus 4:7

“Là kô hkulónu du bè yóm kdaw alì kwen muhen bè yó kem hulu ye ne gotu sidek yó kem hulu ye. Deng hkulónu bè yóm sotu syudad, okóm là hkulónu du bè yó kem dumu syudad. Kmulón ebè sotu tonok gónó mò hulu, fen là bè yó kem dumuhen, hlós tódô mékéng.

Kehewà 7:25

Hitu kdawen miwes kogol yóm gotu kehbaling Dwata du litô yóm él mlel yó.

Kehewà 8:18

Lemwót yó kem tau gel demwata, tô nmò le se kul okóm là kô gmò le du. Tey lifet wen bè klamangen Idyip

Kehewà 8:19

ne yó mon yó kem tau demwata bè Faro, “Dwata se mò du nim ni.” Okóm sana tolo tey kgel kulu Faro. Là kô nan e hnungol kul le Musis ne Aron, hol lómón yóm deng mon Dwata.