Kehewà 10:2 - Udél Dwata: Gna Kesfasad ne Lomi Kesfasad

² ne anì wen angat tulónem bè yó kem ngaem ne bè yó kem téméem yóm klaen dù gmò le yó kem tau Idyip bè yóm kmou du lem blóng le yó kem tey hentaw ton. Ne bè yó gónó ye temngón du yóm kdê ye ou se yóm sana Dwata hol gónó mogot.”

Kehewà 10:2 Referans Kwoze

Juwél 1:3

Nim gfà tekuy ni, hol tulón ye yó kem ngà ye anì bud lu tmulón du bè yó kem kul ngà ne efet kól bè yó kem bud lugod le.

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Kem Lingón 44:1

Ó Dwata, deng hol kum klingu se mungol du yóm tehe tulón le kum yó kem fù me, duhen yóm kdê deng gendengem bè yóm tehe kul kdaw ekni.

Kehewà 7:17

Duhen ni, wen bud udél Dwata ebéléem. Mlan bè nim nmoen ni gónóm temngón du, du se yóm sana Dwata hol gónó mogot. Ngem, fesu bè él nim tugedu nii anì tódô baling litô nim él ni.

Ifisus 6:4

Ne yu kem tuha, bê ye abay nmò yóm gónó le lembut yó kem ngà ye. Okóm lemwót bè yóm deng kehtahu ye, hninggel ye hmau kul ne tmolok kul.

Kem Lingón 71:18

Balù nim deng ktuhahu, ne denge nubón, hol béem bayà ou, Dwata, efet deng gotu bud tulónu bè yó kem lugod todol sut yóm tey genbekem, ne yóm tey hentaw ton gel nmoem bè yó kem tau sut huli dou.

Kem Lingón 58:11

Yó angat mon yó kem tau, “Tahu se, wen ofol blay Dwata kul yó kem tau tedeng kmò le. Bè ktahuhen, Dwata se fen mit du yóm kukum tedeng bè yó kem tau talak tonok.”

Kehewà 7:5

Yó he ketngón le do yó kem tau Idyip, ou yóm sana Dwata hol gónó mogot ke sok tayalu eta sigelu mò tmafak kul ne ke sok nwitu hewà bè yóm kul benwu yó kem tau Israél.”

2 Samwél 7:22

Teyi mfasang Dwata, uu se yóm Dwata hol dandónen geta. Laen dù semnged kóm, laen dù dumu Dwata, són uu. Laen dù deng hnikót gungol me he ke wen dwata semnged kóm. Tek sónen u yóm deng hol kum klingu mungol du.

Kehewà 8:6

Tahu se, tayal Aron eta yó kem él yóm tugeden ne tódô sut yó kem tey fak wen bè benwu le.

Kehewà 14:4

Yó bud nmou béléen, bud hgelu kuluhen ne tódô ktesen yu. Ne mlan bè yóm kegmou béléen ne bè yó kem sendaluen gónóhu tótól. Omin le yó he temngón du yó kem tau Idyip ou se yóm sana Dwata hol gónó mogot.” Tahu se, nimón yó kem tau Israél yóm deng mon DWATA mò kul.

Kehewà 14:18

Bè yóm kegmou bélê le, bè yó gónó le temngón du yó kem tau Idyip ou se yóm sana Dwata hol gónó mogot.”

Kem Lingón 44:2

Yóm deng gotu kehdóhem yó kem tau là hemtahu béléem ta yóm kul tonok anì blayem bè yó kem fù me yóm tonok le. Gotu genlaem yó kem hohon yó kem fù me, okóm kul yó kem fù me yó, fen hbegelem lu.

Kem Lingón 78:3

kem tutul deng gel gungol tekuy ne tngón tekuy, yóm deng gel tulón le tekuy yó kem fù tekuy.