Kehewà 10:19 - Udél Dwata: Gna Kesfasad ne Lomi Kesfasad

¹⁹ Ne yó nmò Dwata, tenlesen kógów yóm lenos lemwót fi dmata kdaw, hbelen yóm tey lenos bong lemwót fi desdef mò myuf yó kem tlangas elem Mohin Hulô. Balù sotu ke wen dù tlangas tebel bè Idyip.

Kehewà 10:19 Referans Kwoze

Juwél 2:20

Angat kóhu lem blóng ye yó kem tey lememek lemwót fi gu bwak, gotu dkolu lu mayuk ebè tum benwu là hyu menwu du. Yóm lumbuk le tukô gna, gotu dkolu ebè Mohin Héét. Yóm lumbuk le huli, dkolu ebè Mohin Miditiranyan. Tódô lenngeben nim benwu ni yóm boo bolok le.” Tahu se, tey bong hentaw yóm deng nmò Dwata.

Hibru 11:29

Bè yóm tehe klóy le gu bè Idyip yó kem tau Israél, lemwót bè yóm kehtahu le bè Dwata gónó le gemgifal du yóm Mohin Hulô, hol lómón ke tahu lan yóm lolò le. Okóm yóm kul klan lemen yó kem tau Idyip kemtes kul, deng le mom gotu lemneb lan Dwata bud hulék du yóm él sbusung.

Kehewà 15:4

Gotu tudaen elem mohin yó kem sendalù Idyip ne yó kem tey klitun le. Yó kem tau alì hulung mit yó kem klitun yó, gotu le lemneb bè Mohin Hulô.

Kehewà 13:18

Mom yó gónón hlan kul bè yóm lan mima elem yóm benwu laen hol wen tauhen hlós ebè Mohin Hulô. Ewenem yó kem tau Israél tey eles kehtigel le bè yó kem hohon le.

Kehewà 10:18

Omin Musis tmagak ke Faro ne mni bè Dwata.

Kehewà 10:20

Okóm sana tolo kehgel Dwata kulu Faro, yó gónón là hewót kul yó kem tau Israél.

Kem Lingón 109:23

Deng sónmou minut lana lómón yóm olung ke deng kimel. Tódóe hlós btang lómón yóm tlangas deng dngél le.