Kehewà 10:16 - Udél Dwata: Gna Kesfasad ne Lomi Kesfasad

¹⁶ Omin Faro kendel bud htaba kul le Musis ne Aron ne monen mò kul, “Denge gemsalà bè Dwata, yóm gónó ye mogot ne denge gemsalà bélê ye snéen.

Kehewà 10:16 Referans Kwoze

Kehewà 9:27

Omin Faro htaba kul le Musis ne Aron, monen mò kul, “Denge gemsalà ne dou. Tey tedeng yóm kun nmò Dwata okóm yóm dou ne yó kem tauhu, là kô me tedeng.

Matyu 27:4

Mon Judas, “Tey kegsalau. Deng mom hekfóu yóm tau laen kô dù salaen anì hnatay le.” Bnalà le se, mon le, “Laen kô dù bud kum hentngón du ne yóm monem yó. Tódô kóm ne yó.”

Kem Udél Hlalak Tehe Selumun 28:13

Yóm tau limengen salaen laen kô tul kehyu klowilen, okóm yóm tau tódô benkasen bè Dwata yóm salaen ne knogolen, tódô hnifót Dwata.

2 Samwél 19:20

Tngónu se denge gemsalà béléem. Yó gónóm mon, ou gna semlong kóm bè nim kdaw ni lemwót bè kun sfu Jusif.”

1 Samwél 26:21

Ne yó mon Sol, “Denge gemsalà se ni. Ó ngau Dabid, semfuléki edini. Là bud nifis hnatayu kóm ne, yakà teyen mebtes béléem yóm dou klowil bè nim kdaw ni. Tey ungel yóm nmou béléem. Tey sidek nim nmou ni.”

1 Samwél 15:30

Bnalà Sol, monen, “Denge gemsalà. Okóm yake htonem yóm kadatem do bè solu yó kem tmuha gel malak ne bè solu yó kem tau Israél. Mungi do mulék anì bud te tmaba ebè yóm sana kóm Dwata hol gónó mogot.”

1 Samwél 15:24

Ne yó udél Sol ebè Samwél, monen, “Denge gemsalà bè Dwata. Là nimónu du yóm hmoen do ne dalang se yóm hloloem do abay se likoe bè yó kem sendalù, tódô lolou yóm kul kóyô.

Lista 22:34

Ne yó balà Balaam du, monen, “Denge gemsalà bè Dwata. Là kô tngónu du ke mdai bak lan anì nam e henseng o. Okóm ni, ke tngónem là hyuhen ke hlóse, tódóe bud semfulék ebè gónô ne.”

Lista 21:7

Ne bud le mógów ebè Musis yó kem tau ne mon le mò du, “Deng me gemsalà bè Dwata ne béléem lemwót bè yó kem tey dê udél me eta ye. Bede holi mni kum bè Dwata anì kóhen lu ni kem ulal ni.” Tahu se, mni bélê le bè Dwata Musis.

Kehewà 8:8

Lemwót Faro, htabahen le Musis ne Aron ne monen mò ke Musis, “Mnihi kut bè Dwata yóm gónóm mogot anì kóhen lu ni kem tey fak wen nii. Ke yó nmoen, hewótu lu ne yó kem kuy tau anì na le e demsù ebéléen.”

Kehewà 8:25

Omin Faro bud htaba kul le Musis ne Aron ne monen mò kul, monen, “Lemwót ye ne, na ye e demsù ebè yóm kuy Dwata bede bè ni bè nim benwu ni gónó ye mò du.”

2 Samwél 24:10

Kogol yóm deng gotu kehlista Dabid boluy yó kem tau, gefet béléen yóm ksidek kegnómen du bè yóm nmoen yó, ne yó monen mò ke Dwata, “Ó Dwata, denge tey gemsalà béléem bè yóm deng nmou ni. Hol hnifótem ou bè nim tey ungel nmou ni.”

2 Samwél 24:17

Timbow ton Dabid yóm hógów Dwata mit hatay, yó monen mò ke Dwata, “Ou se yóm deng gemsalà béléem, ne bud ou se mò du yóm sidek. Okóm kul ni kem tau ni, hol lómón ke ubiha le, laen dù sidek nmò le. Ou ne tnafakem homongem yó kem fes lówóhu.”