Kehewà 10:13 - Udél Dwata: Gna Kesfasad ne Lomi Kesfasad

¹³ Tahu se, tayal Musis eta tugeden ne omin Dwata hbel lenos ebè benwu le lemwót fi dmata kdaw. Sendawen ne suloyen buteng mò du lemnos. Hlafus haya bè yó tey tlangas wen msut mung bè lenos.

Kehewà 10:13 Referans Kwoze

Matyu 8:27

Tey ketnga yó kem tau gel lemolò du, mon le, “Tau du de ni? Balù yóm lenos ne yóm lewók, botong nimón le.”

Juna 4:8

Timbow deng malù tahà kdaw, hyuf Dwata gu fi dmata kdaw yóm tey lenos kinì eta Juna, botong kfuteng bà mon tey ékét kdaw mnóng etahen. Hol kóyô Juna ke matay. Yó monen, “Mom hyu nawaw tódô kem matay ne.”

Juna 1:4

Okóm yó nmò Dwata, hbelen yóm tey lenos bong te mohin ne tey lewók setbulù, deng tô gbà yóm kafal le.

Kem Lingón 148:8

Senged se yóm ksilà ne bulók kulón ne kulón ne kem lobun, balù yóm tey lenos bong gel mimón du yóm dók Dwata, hol gel dóyón ye Dwata se kuy.

Kem Lingón 105:34

Bud lemwót bè udél Dwata, tódô muluk yóm hol yéen tlangas mfól bè klamang benwu le.

Kem Lingón 78:26

Hwit Dwata yóm lenos lemwót fi dmata kdaw, ne mlan bè kfasangen hesuten yóm lenos lemwót fi leged.

Kehewà 14:21

Tayal Musis eta mohin sigelen ne tódô sen-gengen se hesut Dwata gu fi dmata kdaw yóm tey lenos bong na a semsólól yóm él yó. Suloyen buteng mò du lemnos efet gfan tonok lem yóm tey mohin. Tódô skó bè gónón sóól yóm él.

Tekang Kbuten 41:6

Ominen bud wen hitu kanguy halay tonen msut huli okóm hono kafa lemwót bè yóm tey lenos kinì gu dmata kdaw.

Kem Lingón 78:46

Yóm keheglumfaken du kul yóm hol yéen tlangas lememek bè benwu le mò hemsidek yó kem hulu le ne yó kem tbas le.

Kem Udél Hlalak Tehe Selumun 30:27

Yó kem tlangas balù yóm klaen dù yóm geta bélê le ewenem sana ktilob kesegmung yóm kuluk le.