Kehewà 10:1 - Udél Dwata: Gna Kesfasad ne Lomi Kesfasad

¹ Omin Dwata bud mudél ebè Musis, monen, “Budi lemwót nam e bud ston ke Faro. Deng hgelu kuluhen dalang se kulu yó kem genlalen mò gónóhu hegfan ni kem hentaw ton nmou ni

Kehewà 10:1 Referans Kwoze

Kehewà 4:21

Yó bud mon Dwata mò ke Musis, “Bè nim kulékem ebè Idyip ni, hol nmoem bè yóm lomi Faro yóm hentaw ton deng hmou kóm mlan bè yóm kfasang deng suu béléem. Okóm angat hgelu kulu Faro ne là kô nan e hlus kul hewà yó kem tau.

Sulat Pol Ebè Yó Kem Tau Hemtahu Bè Rom 9:17

Lómón yóm tehe kélék Dwata yóm sotu tau hol geta bè Idyip ekni. Tehe mon Dwata mò du, monen, “Lemwót béléu yóm kegetahem mogot benwu anì angat gfan béléem yóm dou kegbek, ne anì glalag bè klamangen benwu yóm dou boluy.”Ne duhen yó, bong knodu Dwata yó kem tau nóyô knoduhen, ne hgelen kulu yó kem tau nóyô hgelen kulu le.

Kehewà 3:20

Okóm lemwót bè kfasangu angat tnafaku Idyip mlan bè yó kem alì dê knikò nmou lem blóng le. Ominen yó he hewót kuy Faro.

Kem Lingón 7:11

Dwata se yóm tedeng kkukumen. Ket kdawen lembut kul yó kem tau mò sidek.

1 Samwél 4:8

Hatay tekuy. Tau du se tô gembek lemwà tekuy lem tdok yó kem dwata laen dù là gbeken du yó? Ni se yó kem dwata tehe heglumfak yó kem tau Idyip yóm tey glumfak mit hatay bè yóm tehe knô kem tau Israél bè yóm benwu laen hol wen tauhen.

Kehewà 9:27

Omin Faro htaba kul le Musis ne Aron, monen mò kul, “Denge gemsalà ne dou. Tey tedeng yóm kun nmò Dwata okóm yóm dou ne yó kem tauhu, là kô me tedeng.

Kehewà 9:16

Okóm là, naw hlowilu uu mò gónóm mton du yóm kfasangu anì yó, mból bè klamangen benwu yóm dou boluy.

Kehewà 7:4

Duhen yó, angat wen tey tafak héét hwitu ebè yó kem tau bè Idyip. Yó kmò kwitu kul hewà bè yóm benwu yó, yó kem dou tau Israél, nwitu lu mlan bè ket ktol le.

Kun Snulat Jan 12:40

“Deng hbutô Dwata mata le anì là dilô le du yóm ton le. Deng hgel Dwata kulu le anì là glileb le du yóm gungol le. Là kô le móyô semfulék ebéléu,” mon Dwata, “anì hnifótu lu.”

Sulat Pol Ebè Yó Kem Tau Hemtahu Bè Rom 9:18

Ne duhen yó, bong knodu Dwata yó kem tau nóyô knoduhen, ne hgelen kulu yó kem tau nóyô hgelen kulu le.

Kehewà 9:12

Okóm hgel Dwata kulu Faro. Là kô nan e hnungol kul le Musis ne Aron lómón yóm deng tehe mon Dwata.

Kehewà 10:20

Okóm sana tolo kehgel Dwata kulu Faro, yó gónón là hewót kul yó kem tau Israél.