Kehewà 1:7 - Udél Dwata: Gna Kesfasad ne Lomi Kesfasad

⁷ Okóm yó kem sfu le, yóm bnoluy le kem tau Israél sónmò le mból. Tey kwen le ne tey le kemgis. Botong tô gotu lengeb le yóm benwu Idyip.

Kehewà 1:7 Referans Kwoze

Tekang Kbuten 46:3

Ne yó mon yóm mudél yó koni, “Ou se Dwata yóm Dwata tehe maem. Béi hlikò mógów etu bè Idyip abay se bè yó gónóhu hembaling yó kem bólem sotu but tau alì mbegel.

Dwata 26:5

Ne bè yó bè solu Dwata, yó udélem monem, ‘Yóm tehe fuu, tau Aramiyan se kun laen dù mdengen gónón nô. Tehe nwiten yó kem fes lówóhen ebè Idyip ne ditu gónó le nô. Bè yóm tehe kógów le yó, là kô le wen okóm deng tey kból le bè yó bè Idyip ne baling sotu but benwu alì mbegel.

Tekang Kbuten 1:28

Ne wen oluhen kul, monen, “Hol ye mból anì tódô tfeng klamangen benwu yó kem angat lugod ye mò kmamal du. Hogotu kuy kentihen mowil lem él ne kentihen gel móyóng te kmawang ne kentihen ógóf nô talak tonok.

Tekang Kbuten 47:27

Deng le tódô menwu bè Gusén ne yó kem tau Israél, yóm benwu snakuf Idyip. Deng tey wen kendengen le bè yó ne deng tey kból le.

Tekang Kbuten 35:11

Ne yó mon Dwata mò du, “Ou se yóm Dwata laen dù là gbeken du. Holi mból anì baling ye sotu but benwu alì mbegel efet dê dumu but tau ne wen kem tau hol geta semfu gu béléem.

Tekang Kbuten 12:2

Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Tekang Kbuten 9:1

Yó olu Dwata ke Nuwa ne yó kem ngaen logi, monen, “Hol ye bud mból anì bud wen tau talak tonok.

Nihimaya 9:23

Tey kehbólem kul yó kem tauhem lómón kwen le kem blotik bè longit. Sal gel hegmoem lu bè yó kem hohon le ne suem lu ta yóm tonok tehe fasadem yó kem tehe fù le.

Dwata 10:22

Bè yóm tehe kógów le ebè Idyip yó kem tehe fù ye ekni, tek le hitu folò kwen le. Okóm ni tey kehból Dwata kuy, lómó kwen ye lómón yó kem tey blotik bè longit.” Là gomongen bè nili yóm tsaptér 11. Yó tulónen bè nim tsaptér ni yóm tey kubug Musis yó kem tau Israél anì hol nimón le Dwata. Tulón Musis kul yóm tey któbóng Dwata kul ke mimón le, okóm tey ktafaken kul yó kem tau là mimón du. Bud tulón Musis kul snéen yóm tey kehyuhen yóm tonok deng blay Dwata kul.

Tekang Kbuten 48:4

Yó udélen ebéléu, monen, ‘Angat hwenu ngaem anì dê but tau semfu gu bélê le. Nim tonok ni, blayu kul ne laen dù tul sónen yóm kfun le du.’ ”

Tekang Kbuten 17:16

Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.”

Kem Lingón 105:24

Yóm knô le ditu, tey kehból Dwata kul, ne hekgisen lu senta yó kem tau Idyip hmohon kul.

Tekang Kbuten 28:14

Tey angat kehwenu kul yó kem sfuhem yó, lómón kwen le kfung te tonok. Angat tey kehlamang le du yóm kbenwu le, gbek le hlamang du fi e desdef ne fi e dmata kdaw ne fi edebwak ne fi eleged. Hlanu béléem ne bè yó kem sfuhem yóm angat któbóngu yóm kdéen but tau bè klamangen benwu.

Tekang Kbuten 22:17

Ne angat hol hwenu bólem, lómón kwen le blotik bè longit ne lómón kwen le helek bè kilil mohin. Ne angat le gel matù bè yó kem hohon le.

Tekang Kbuten 13:16

Angat hol hwenu bólem, laen kô dù gembek msó kul yóm kdê le, lómón ke nsóhem kfung te tonok.

Tekang Kbuten 1:20

Yó bud mon Dwata, “Dlimunu kentihen mowil lem él mò nô bè yóm él deng bnusungu anì hol wen nô lemen. Ne dlimunu se kentihen gel móyóng te kmawang anì hol wen móyóng ta.”

Kehewà 12:37

Lenwót le bè yó mógów yó kem tau Israél bè syudad Ramisis efet le kól bè benwu Sukut. Yó kwen kem logi botong nem latu libuhen, là gomong nsó le kul kem libun ne kem ngà.

Tekang Kbuten 48:16

Yó hem hógów Dwata tehe gel lemwà dou bè yó kem gónón mgel hol tmóbóng kul. Hol mlan bè ni kem ngà ni gónóhen là lana yóm dou boluy ne boluy yóm téméu Abraham ne mau Isak. Dwata he hol hwen yó kem ngà le ne yó kem angat ból le.”

Tekang Kbuten 26:4

Angat hwenu bólem, lómón kwen le blotik bè longit. Angat gotu blayu kul yóm klamang yóm benwu Kanan ni. Ne angat mlan bélê le gónóhu tmóbóng yóm kdéen but tau bè klamangen benwu.

Tekang Kbuten 15:5

Omin Dwata mit du hewà, ne monen mò du, “Temngeli ebè longit dé bè yó kem blotik, tilów nsóhem lu. Yóm alì kwen le yó, hol lómón yó se angat kwen yó kem semfu gu béléem.”

Kul Nmò 13:17

Bè yóm tehe yu ekni, deng tódô nélék Dwata yó kem tau gónó tekuy gu semfu. Bè yóm tehe knô le bè Idyip, bè yóm benwu sundu kul du, tey kehból Dwata kul. Ne bè yóm bud kehewaen kul, tey kehegfanen du bélê le yóm kfasangen.

Tekang Kbuten 26:22

Yó bud nmò Isak, bud hlayuk bè yó ne bud mokol dumu kokol. Laen dù bud mled du ne yóm kokol bud nokolen yó. Ne yó boluy Isak du, “Laen dù hemseng kum.” Yó monen, “Deng wen lan nmò Dwata anì laen dù hemseng tekuy bè yóm kut kbenwu bè ni ne gónón angat wen gendeng tekuy.”

Kehewà 1:12

Okóm balù yóm alì kehlayam le kul yó kem tau Idyip, mom temnù kwen le yó kem tau Israél ne ninuten lamang yóm gónó le nô bè yóm benwu yó. Ne deng mom bud temnù klikò le kul yó kem tau Idyip.

Kehewà 5:5

Tey ye deng mból senta yó kem tau Idyip. Ne ni, mone là bud ye móyô mò nmò.”

Kem Lingón 107:38

Tey któbóng Dwata yó kem kun tau, ne tey kehbólen kul. Balù yó kem ógóf le, laen kô mtón bélê le.