Kehewà 1:22 - Udél Dwata: Gna Kesfasad ne Lomi Kesfasad

²² Ngangen bud wen udin nmò Faro bè yó kem tau Idyip, yó udin nmoen, monen, “Kdéen ngà logi Hibru lomi sut, gotu bot ye lu elem él Nayl. Okóm yó kem ngà libun, fen hlowil ye lu.”

Kehewà 1:22 Referans Kwoze

Kul Nmò 7:19

Yóm tau hol geta yó, snukaten yó kem tehe fù tekuy, ne tey kehlayamen kul. Wen udin nmoen bélê le anì tódô sù le lu lem bnes yó kem ngà lomi sut anì matay le.

Kem Udél Hlalak Tehe Selumun 1:16

Yakà són mò le módód mò sidek ne eles le htigel bè khatay le tau.

Kem Udél Hlalak Tehe Selumun 4:16

Yakà là kô le gtungô ke là nan wen sidek nmò le, duhen ke là nan wen dumu tau nwit le mò sidek.

Kem Lingón 105:25

Yó kmò kehlan Dwata du, baling knutó nawa le lu yó kem tau Idyip, lel le smukat kul.

Kehewà 1:16

“Ke bud ye tmóbóng mwa ngà bè yó kem libun Hibru, hnatay ye ke logi yóm ngà le. Okóm ke libun, hlowil ye.”

Kem Udél Hlalak Tehe Selumun 27:4

Yóm kebut tau tey sidek ne tey te glayam du okóm udì he nim ni ke hsenged te bè yóm keglayam te du yóm klenget tau.

Tekang Kbuten 41:1

Timbow deng bud lewu halayen bè yó, wen kna yóm Faro bè Idyip. Yó knahen, mdà bè kilil yóm tey él bong boluyen Nayl.

Hibru 11:23

Senged se yó kem tehe tuha Musis ekni, lemwót bè kehtahu le gónó le là likò mulé du yóm udin lemwót bè yóm tau hol geta bélê le. Bè yóm ksut Musis, botong tlu bulón le bemnos du, abay se dilô le tey knóón ngà logi.

Kehewà 2:6

Ne tahu se. Bè yóm kkólen béléen, tnukéhen yóm kfilù yó, tódô tonen se yóm ngà logi hanà udì nô lemen bede mkik. Tey kkoduhen du. Yó monen, “Ngà logi Hibru nim ni.”