Kehewà 1:20 - Udél Dwata: Gna Kesfasad ne Lomi Kesfasad

^20-21 Lemwót bè yóm klikò le ke Dwata ni kem libun gel mwa ngà ni, ya tey kehyu nawa Dwata ebélê le, benlayen se lu ngà. Ne yó kem tau Israél, sónmò le ninut mból ne kemgis.

Kehewà 1:20 Referans Kwoze

Kem Udél Hlalak Tehe Selumun 11:18

Là kóen tahà kmuhen du yóm gutahen yóm tau gel mò sidek, okóm yóm tau gel mò yóm tedeng, gutahen yóm ofol laen tul sónen.

Hibru 6:10

Tey tedeng knawahen yóm Dwata. Là kô klifóten du yóm hyu tehe gel nmò ye, ne yóm tey kbong nawa ye du. Yó gónón gfan yóm nawa ye ebéléen yó bè yóm gel któbóng ye yó kem dumu ye hemtahu. Balù ni kmoen ni, sana kmò ye du.

Kem Lingón 111:5

Sal gel benlayen ken yó kem tau smalig béléen, là kô klifóten du yóm tehe kesfasad le.

Kun Snulat Luk 1:50

Tey kkodu Dwata kul yó kem tau hol madat du kewóten bè yóm tau tanay féken kkólen bè yóm tau hol són utulen.

Matyu 25:40

Angat bnalaen se lu yóm Tau Hol Geta, monen, ‘Tódô tulónu kuy ktahuhen, yó se deng nmò ye bè yó kem dumuhu setwoli alì gdanà, lómón ke béléu gónó ye mò du yóm yó.’

Matyu 10:42

Tódô tulónu kuy ktahuhen, baluen he ke tek olon él tnaw hinum ye yóm sotu tau gel lemolò do, yóm tau alì glaan bè kdéen, abay se dilô ye yóm kloloen do, angat dohò wen ofol blay Dwata kuy.”

Kem Udél Hlalak Tehe Selumun 19:17

Yóm tau knoduhen yó kem tau élél lómón ke hendómen Dwata ne Dwata he hulék du yóm deng blayen.

Kem Lingón 145:19

Gel blayen bè yó kem tau wen klikò le du yóm wen mu le du. Hnungolen yóm alì kni le béléen, ne lenwaen lu.

Kem Lingón 103:11

Yóm kbong nawa Dwata yó kem tau wen klikò le du, mkay senta kbong yóm te kmawang.

Kem Lingón 85:9

Bè ktahuhen, là buden legen ne kehewà Dwata yó kem tau wen klikò le du, anì gfan bè klamang benwu tekuy yóm tey keslinang Dwata.

Kem Lingón 61:5

Deng gungolem, Dwata, yó kem fasadu kóm. Deng sana wen blayem dou lemwót bè yó kem deng henyuhem yóm mò genfun yó kem tau kmikò kóm.

Kehewà 1:12

Okóm balù yóm alì kehlayam le kul yó kem tau Idyip, mom temnù kwen le yó kem tau Israél ne ninuten lamang yóm gónó le nô bè yóm benwu yó. Ne deng mom bud temnù klikò le kul yó kem tau Idyip.

Kehewà 1:7

Okóm yó kem sfu le, yóm bnoluy le kem tau Israél sónmò le mból. Tey kwen le ne tey le kemgis. Botong tô gotu lengeb le yóm benwu Idyip.

Kehewà 1:19

Okóm mom yó balà le du, mon le, “Yóm kul ksut ngà yó kem libun Hibru, tey mahil, stólóng bè yó kem libun Idyip. Gu laan me là deng kól bélê le, deng sana sut yóm kul ngà.”