Kehewà 1:17 - Udél Dwata: Gna Kesfasad ne Lomi Kesfasad

¹⁷ Okóm ni kem libun mwa ngà ni, wen klikò le ke Dwata. Là kô nimón le du yóm udél Faro ebélê le yó. Mom hlowil le lu yó kem ngà logi lomi sut.

Kehewà 1:17 Referans Kwoze

Kul Nmò 5:29

Yó balà le Pitér du, mon le, “Mom hyu nawa me mimón ke Dwata, olo ke tô nimón me udél tau.

Kun Snulat Luk 12:5

Tódô tulónu kuy yóm mò hol knikò ye,” monen. “Hol knikò ye Dwata, abay se ke deng hnatayen lówó ye, wen kwalisen tmudà kuy elem lanaw ofi. Du dé yóm hol tahu knikò ye.

Matyu 10:28

Bê ye abay likò bè tau. Gbek le hmatay lówó ye, okóm yóm lóyóf ye, là kô gbek le hmatay du. Dwata dé hol tahu knikò ye, abay se gbeken hmatay lówó ye, ne gbeken se tmudà lóyóf ye elem lanaw ofi.

Kehedem Tau Tmolok 12:13

Ni se mò sónu du. Hol knikoem Dwata, ne nimónem yóm kdê hlauhen kóm, yakà ni du yóm deng sigangen ta yóm kdéen tau.

Danyél 6:13

Omin le tmulón du yóm tau hol geta, mon le, “Yó se nmò Danyél yóm sotu tau negef lemwót gu bè Juda, là kô nimónen kóm dalang se yóm udin deng femahem. Tódô henlelen mni bè yóm kun Dwata na tlu duléken sendaw mò du.”

Kem Udél Hlalak Tehe Selumun 16:6

Mlan bè kogot nawa ne kteneb tau bè Dwata gónón hmifót salaen ne mlan bè klikò tau ke Dwata gónón gemkogol yó kem nmò sidek.

Kem Lingón 31:19

Tey bong, Dwata, yóm alì kehyuhem. Tey kbasahem kul yó kem tau wen klikò le kóm. Deng tey bong gendengem bè yó kem tau hofin béléem igò le temngel yó kem tau bè klamangen benwu.

Tekang Kbuten 42:18

Bè yóm getluhen kdaw, yó mon Jusif mò kul, “Mlan bè yóm klikou ke Dwata, hlowilu yu syan ke hol nmò ye yóm hmou kuy.

Husiya 5:11

Yó kem tau Israél, angat le gotu meglà kesok nukumu lu abay se són nô bè nawa le tmaba ebè yó kem dwata kéng.

Kem Udél Hlalak Tehe Selumun 8:13

Yóm tau kmikò ke Dwata hol knutó nawahen yóm sidek. Dalang se do, knutó nawahu yóm kehegmón ne yóm keheklabak. Knutó nawahu snéen yó kem nmò sidek ne yó kem mò udél seblékê.

Tekang Kbuten 20:11

Bnalà Abraham, monen, “Yó gónóhu mò du nim ni, abay se yó hendemu, ‘Laen kô dù klikò le ke Dwata ni kem tau bè nim benwu ni. Angat hnatay le ou anì gwa le nim yehenu.’

Kehewà 1:18

Omin Faro bud htaba kul yó kem libun gel mwa ngà yó, monen mò kul, “Moen du ke lómón ni nmò ye? Moen du ke mom hlowil ye lu yó kem ngà le logi?”

1 Samwél 22:17

Ominen yó mdók yó kem sendaluen gel mentey du, monen, “Hnatay ye lu ni kem tau blóng ebè Dwata ni abay se deng nfi le Dabid. Deng tngón le yóm klóy Dabid okóm là kô tulón le du dou.” Okóm yó kem sendalù Sol yó là kô le móyô hmatay yó kem tau blóng ebè Dwata.

2 Samwél 24:4

Okóm alì hlan yóm tau hol geta yóm kun kóyô bè le Juab ne bè yó kem genlalen bè yó kem sendaluen, yó gónó le lemwót na le e nsó yó kem tau Israél.

Istér 3:3

Wen bè yó kem dumu genlal smólók ke Murdikay, mon le mò du, “Moen du ke là nimónem du kóm yóm deng hmoen tekuy yóm tau hol geta?”