Kehewà 1:16 - Udél Dwata: Gna Kesfasad ne Lomi Kesfasad

¹⁶ “Ke bud ye tmóbóng mwa ngà bè yó kem libun Hibru, hnatay ye ke logi yóm ngà le. Okóm ke libun, hlowil ye.”

Kehewà 1:16 Referans Kwoze

Kehewà 1:22

Ngangen bud wen udin nmò Faro bè yó kem tau Idyip, yó udin nmoen, monen, “Kdéen ngà logi Hibru lomi sut, gotu bot ye lu elem él Nayl. Okóm yó kem ngà libun, fen hlowil ye lu.”

Matyu 21:38

Okóm timbow ton yó kem tau mogot hulu yóm ngaen yó, mom mon le, ‘Yó nii yóm ngà yóm tau fun hulu. Lemwót kuy ne, na tekuy e hnatay anì gfun tekuy yóm tonok angat nfunen.’

Deng Hegfan 12:4

Bè yóm kwelen tukô ikongen, botong gbut bè yó kem blotik bè longit gbek nkélen etlaan talak tonok. Ne yó nmoen, tódô lemfen bè solu yóm libun, nangaten ksut yóm ngaen anì tô hlohen.

Kul Nmò 7:19

Yóm tau hol geta yó, snukaten yó kem tehe fù tekuy, ne tey kehlayamen kul. Wen udin nmoen bélê le anì tódô sù le lu lem bnes yó kem ngà lomi sut anì matay le.

Hibru 11:23

Senged se yó kem tehe tuha Musis ekni, lemwót bè kehtahu le gónó le là likò mulé du yóm udin lemwót bè yóm tau hol geta bélê le. Bè yóm ksut Musis, botong tlu bulón le bemnos du, abay se dilô le tey knóón ngà logi.

Kehewà 1:15

Yó nmò yóm Faro bè Idyip, wen lewu bè yó kem libun gel mwa ngà htabahen boluy le Sipra ne Puwa, kem libun gel tmóbóng mwa ngà bè yó kem libun Hibru ke sok sut blutut le. Yó monen mò kul,

Kem Lingón 105:25

Yó kmò kehlan Dwata du, baling knutó nawa le lu yó kem tau Idyip, lel le smukat kul.