Kehewà 1:12 - Udél Dwata: Gna Kesfasad ne Lomi Kesfasad

¹² Okóm balù yóm alì kehlayam le kul yó kem tau Idyip, mom temnù kwen le yó kem tau Israél ne ninuten lamang yóm gónó le nô bè yóm benwu yó. Ne deng mom bud temnù klikò le kul yó kem tau Idyip.

Kehewà 1:12 Referans Kwoze

Kem Lingón 105:24

Yóm knô le ditu, tey kehból Dwata kul, ne hekgisen lu senta yó kem tau Idyip hmohon kul.

Kehewà 1:9

Yó udélen ebè yó kem tau Idyip nogoten, monen, “Hnénég ye dé yó kem tau Israél, tey deng kwen le ne tey le kemgis. Déke angat wen atul le eta tekuy elem hulin kdaw.

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

Kun Snulat Jan 12:19

Lemwót yó kem Farisi, stulón le, mon le, “Ngem, laen kô dù gmò tekuy. Tenngel ye dé, tódô kdéen tau gotu lemolò du.”

Job 5:2

Tey nungel yóm tau hmosok ke Dwata ne yó se gónón angat meglà. Tey tau là hulungen hedem yóm tau mélés nawahen ne yó se but angat gónón matay.

Kem Udél Hlalak Tehe Selumun 27:4

Yóm kebut tau tey sidek ne tey te glayam du okóm udì he nim ni ke hsenged te bè yóm keglayam te du yóm klenget tau.

Kem Udél Hlalak Tehe Selumun 21:30

Là kóen lemyu senta Dwata yóm khulung tau hedem duhen yóm khulungen temnef ne khulungen hmau.

Kehewà 1:7

Okóm yó kem sfu le, yóm bnoluy le kem tau Israél sónmò le mból. Tey kwen le ne tey le kemgis. Botong tô gotu lengeb le yóm benwu Idyip.

Kehewà 1:20

Lemwót bè yóm klikò le ke Dwata ni kem libun gel mwa ngà ni, ya tey kehyu nawa Dwata ebélê le, benlayen se lu ngà. Ne yó kem tau Israél, sónmò le ninut mból ne kemgis.

Tekang Kbuten 46:3

Ne yó mon yóm mudél yó koni, “Ou se Dwata yóm Dwata tehe maem. Béi hlikò mógów etu bè Idyip abay se bè yó gónóhu hembaling yó kem bólem sotu but tau alì mbegel.

Lista 22:3

ya tey klikoen dalang se yó kem tau snakufen.

Dwata 26:5

Ne bè yó bè solu Dwata, yó udélem monem, ‘Yóm tehe fuu, tau Aramiyan se kun laen dù mdengen gónón nô. Tehe nwiten yó kem fes lówóhen ebè Idyip ne ditu gónó le nô. Bè yóm tehe kógów le yó, là kô le wen okóm deng tey kból le bè yó bè Idyip ne baling sotu but benwu alì mbegel.

Nihimaya 9:23

Tey kehbólem kul yó kem tauhem lómón kwen le kem blotik bè longit. Sal gel hegmoem lu bè yó kem hohon le ne suem lu ta yóm tonok tehe fasadem yó kem tehe fù le.

Kem Lingón 107:38

Tey któbóng Dwata yó kem kun tau, ne tey kehbólen kul. Balù yó kem ógóf le, laen kô mtón bélê le.