Kehewà 1:11 - Udél Dwata: Gna Kesfasad ne Lomi Kesfasad

¹¹ Tahu se, yó nmò yó kem tau Idyip, wen tau snigang le mò fen gel dmanda mdók kul yó kem tau Israél, ne tey sidek keblaten yóm gel hmò le kul, anì laen dù bud gónóhen e mefet nawa le. Hefdà le kul yóm syudad Pitum ne syudad Ramisis mò gónóhen gel semtifun ken yó kem tau Faro bè Idyip.

Kehewà 1:11 Referans Kwoze

Tekang Kbuten 15:13

Ne yó mon Dwata mò du, “Yó kem sfuhem, angat le milo ebè tólóng benwu. Botong fat latu halay kegen le ghesek ditu, ne tey sidek kehlayam le kul.

Kehewà 3:7

Omin Dwata bud mudél ebéléen, monen, “Deng tonu yóm alì keglayam yó kem dou tau bè Idyip. Gungolu yóm tey ktaba le ebéléu anì wen lemwà kul bè yóm gónó le ghesek. Gotu tngónu yóm kdê gónó le glayam.

Kehewà 2:11

Timbow deng mtétél knawa Musis, yó nmoen nauyen yó kem kun dumu Hibru bè yó bè Idyip. Ne tonen yóm alì kdanda kehmò le kul yó kem nmò alì blat. Tonen snéen yóm kfes yóm sotu tau Idyip du yóm kun dumu Hibru.

Tekang Kbuten 47:11

Tahu se, sù Jusif le maen ne yó kem dumuhen setwoli bè yó bè Idyip, suen lu bè yóm gónón alì hyu tonok moni bè syudad Ramisis, hol lómón yóm deng mon Faro mò du.

Kem Lingón 81:6

“Henwósu ta abal ye yó kem blat nbô ye. Kóhu lem tdok ye yó kem nmò alì blat.

Dwata 26:6

Lemwót yó kem tau Idyip, tey tehe kehsidek le kum ne tey kdanda kdók le kum mò hesek le.

Lista 20:15

Deng tngónem snéen yóm tehe kógów le ebè Idyip yó kem tehe fù me ne tey kegenen yóm knô me ditu. Yó kem tau Idyip, tey khesek le yó kem tehe fù me dalang se mi kem ból le.

Kem Udél Hlalak Tehe Selumun 27:4

Yóm kebut tau tey sidek ne tey te glayam du okóm udì he nim ni ke hsenged te bè yóm keglayam te du yóm klenget tau.

Kem Lingón 105:13

Tey dê benwu gónó le e semdakit menwu, sal stólóng yó kem tau mogot du.

Kem Lingón 68:13

Balù yó kem libun tebel bè yó kem ubiha le, okóm ni, deng tódô glimun lówó le blówón bukay ne tahu blówón, lómón yóm hafak obun, kun glimun bè lówóhen.

2 Tutul Israél 8:4

Bud hetlob hdaen snéen yóm benwu Tadmor nô bè yóm benwu laen hol wen tauhen, dalang se yó kem benwu bè Hamat bud hdaen mò gónón hemyu yó kem wen mu le du.

Kehewà 5:15

Omin le mógów ebè Faro yó kem tau Israél gel malak mò nmò yó, mon le mò du, “Moen du ke lómón ni nmoem bélê me?

Kehewà 5:10

Tahu se, gotu le lemwót yó kem tau htaba Faro yó koni, yó kem tau Idyip gel dmanda mdók yó kem tau Israél ne yó kem tau Israél fen gel malak yó kem dumu le Israél mò nmò. Bè yóm kkól le bè yó kem tau Israél, yó mon le mò kul, “Deng mon Faro, là bud benlayen kuy lami ne kun.

2 Tutul Israél 16:4

Tahu se, henmóyô Bin-hadad yóm hni Asa yóm tau hol geta, ne ominen hemwit yó kem tey sendaluen anì na le e nundug yó kem syudad glem lem Israél. Gotu gled le yó kem benwu fi bwak snakuf Israél, duhen yóm benwu Idyon, ne benwu Dan, ne benwu Abél-bit-maaka, ne yóm kdéen benwu snakuf Niftali, yóm syudad gónó le gel hemyu yó kem wen mu le du bè gida.

Kem Lingón 129:1

Lemwót bè hanà kudiu yóm tendo kehsidek le do yó kem hohonu, ni se yóm mon yó kem tau Israél,

Kehewà 5:8

Okóm hol skél bè kwen yóm gnan yóm bud nmò le ni, béen abay kensong. Yó se gónó le gel mógów ebéléu anì hlusu lu na a demsù ebè yóm kul Dwata abay se laen dù hol nmò le.

Kem Lingón 129:2

lemwót bè hanà kudiu yóm tendo kehsidek le do kem hohonu, okóm là kô ghatay le do.