Juswa 9:2 - Udél Dwata: Gna Kesfasad ne Lomi Kesfasad

^2-3 Yó nmò ni kem tau hol geta ni, gotu le setgel yóm kdê le anì gnida le Juswa ne yó kem tau Israél. Okóm yó kem tau bè Gibyun tau le Hibayt se kul, bè yóm kungol le du yóm deng nmò Juswa bè Jiriku ne bè Ay

Juswa 9:2 Referans Kwoze

Deng Hegfan 16:14

Ni kem tlu busaw ni, tey dê hentaw ton nmò le. Gotu le mógów ebè yó kem kdéen tau hol geta talak tonok, gotu sentifun le lu anì na le e mò gida bè yóm kdaw alì knikò tau deng tehe eles olu Dwata, yóm Dwata laen dù là gbeken du.

Isaya 54:15

Ke wen tô muluk kuy, là kóen lemwót béléu. Ke wen tau tô semfatay kuy, laen kô dù gmò le bélê ye.

Isaya 8:12

“Hol béi gbót bè kul atul yó kem dumum tau ne béi likò du kóm yóm kul gel knikò.

Kem Udél Hlalak Tehe Selumun 11:21

Ngem! Yó kem tau gel mò sidek là kô lugun Dwata kul là tnafak, okóm yó kem tau tedeng kmò le gewà.

Juswa 10:5

Tahu se, lemwót nim limu kem tau hol geta bè kem Amurayt ni gotu sentnù le lu yó kem sendalù le. Omin le lemwót na le e snibut yóm syudad Gibyun, omin le gmida du.

Juswa 24:11

Kogolen bè yó, nifal ye yóm Él Jurdan ne gefet ye bè Jiriku. Yó kem sendalù bè Jiriku, tey kwit le kuy sfatay. Senged se yó kem tau Amurayt ne yó kem tau Pirisayt ne yó kem tau Kanan ne yó kem tau Hitayt ne yó kem tau Girgasayt ne yó kem tau Hibayt ne yó kem tau Jibusayt, okóm hegmou yu bélê le yóm kdê le.