Juswa 8:8 - Udél Dwata: Gna Kesfasad ne Lomi Kesfasad

⁸ Ke sok deng gled ye yóm syudad yó, gotu ntem ye yó kem gónô bè yó lómón yóm deng hmò Dwata kuy. Yó se yóm mò lolò ye.”

Juswa 8:8 Referans Kwoze

2 Samwél 13:28

Omin Absalum mon du bè yó kem tóbóng lówóhen, “Nangat ye ke deng alì lengel Amnon, ne ke wen ilô nmou bélê ye, hnatay ye. Bê ye abay hlikò, ou se mdók kuy. Hfól ye nawa ye, hnatay ye.”

Juswa 1:16

Ne yó balà le ke Juswa, mon le, “Balù kihu hmoem kum nmò me. Ne balù kihu gónóm e mdók kum, nógów me.

Juswa 1:9

Ni hol monu mò kóm, hol hotuhem gelem ne hol hfólem nawam. Béi abay hlikò ne béi abay htakas, yakà ou du yóm sana kóm Dwata hol gónó mogot ne tendohe nô béléem balù kihu gónóm e solu.”

Kmukum 4:6

Sotu kdaw hangayen Barak yóm ngà Abinuam menwu bè syudad Kédés bè tonok Naftali. Yó monen mò du, “Ni se udél hwiten ebéléem yóm sana Dwata hol gónó tekuy mogot kem tau Israél, ‘Semtifuni ditu bè Bulul Tabur sfolò libu tau hulung mit sgida lemwót bè ból Naftali ne bè ból Sibulun.

Juswa 8:28

Gotu htem Juswa yóm kdéen gónô lem yóm syudad yó, laen kô dù tebel. Efet nim kmoen ni sana kmoen.

Juswa 6:24

Omin kem tau Israél mtem du yóm syudad yó ne gotu mlób yó kem nô lemen. Són là mlóben són yóm kimu deng eles nwa le, yó kem kimu tenwél le lemwót bè blówón bukay ne bè tahu blówón ne bè tembaga ne bè bala tók. Yó se yóm kimu eles nwa le ne hsù le bè yóm gónó le gel hemyu yó kem kun kimu Dwata.

Juswa 8:2

Hol bud nmoem bè yóm syudad Ay ne bè yóm tau hol geta bè yó yóm deng nmoem bè Jiriku ne yóm tau hol geta bè yó snéen. Okóm bè nim kundug ye ni, gbek ye ne ma du mò kuy yó kem kimu bè yó ne yóm kdê ton ye bè yó. Tódô kento nundug ye yóm syudad yó mlan ye gu bè kwangen.”

Juswa 8:7

Omin ye yó kento hewà gu bè yóm gónó ye hebnos ne nled ye yóm syudad le. Yóm sana kuy Dwata hol gónó mogot fen bemlay du elem hólól ye.

Juswa 8:9

Tahu se, gna le lemwót yó kem sendalù hógów Juswa yó ne hlós le ebè yóm gónó le e hebnos fi desdef, bè blóng Ay ne Bétél. Okóm kul le Juswa, fen le tebel bè yó bè kamfù le yóm kifu yó.

Juswa 8:22

Bud le lemwót se kul yó kem sendalù Israél fen dnutung ntem le yóm syudad Ay, bud le tóbóng se kul, gotu hnatay le yó kem hohon le. Tódô gotu snibut kem sendalù Israél lu ne gotu hnatay le lu yóm kdê le. Balù sotu ke wen mowil bélê le.

Juswa 8:13

Duhen yó, deng le eles gotu htigel yó kem tey sendalù mung ke Juswa kmamfù fi debwak yóm syudad yó dalang se yó kem dumu le fen hebnos fi desdef. Suloy le buteng le Juswa nô bè yóm datal yó.