Juswa 8:2 - Udél Dwata: Gna Kesfasad ne Lomi Kesfasad

² Hol bud nmoem bè yóm syudad Ay ne bè yóm tau hol geta bè yó yóm deng nmoem bè Jiriku ne yóm tau hol geta bè yó snéen. Okóm bè nim kundug ye ni, gbek ye ne ma du mò kuy yó kem kimu bè yó ne yóm kdê ton ye bè yó. Tódô kento nundug ye yóm syudad yó mlan ye gu bè kwangen.”

Juswa 8:2 Referans Kwoze

Kem Udél Hlalak Tehe Selumun 13:22

Yóm tau hyu kmoen gel tnebelen umun yó kem téméen, okóm yóm kul kendengen yó kem tau gemsalà, nô bè yó kem tau tedeng kmò le.

2 Tutul Israél 20:22

Yóm igò le tolo mbut du yóm kesngal le dmóyón ke Dwata yó, sen-geng Dwata se semfatay kul honon lu yó kem tau Amun ne kem tau Muab ne kem tau lemwót bè Sér.

Juswa 6:21

Gotu hnatay le yóm kdéen tau nô lemen mlan bè sudeng le, kem logi ne kem libun, kem ngà ne kem tuha. Gotu hnatay le snéen yó kem safì ne yó kem ubiha ne kem kudà asnu.

Jirimaya 17:11

Yóm tau fmilak mlan bè là ktedengen, hol mkél bè yóm onuk koyu nlonen yóm là kun ngà lenbotù du, là legenen béléen yó kem ngaen yó. Bud là legenen bè yóm tau yóm kendengenen mlan bè yóm là ktedengen, tódô kendel lana. Ne ke deng tuha bud mulék élél, gfan yóm kungelen.

Kem Udél Hlalak Tehe Selumun 28:20

Yóm tau laen dù belenen tódô seflós kuyag Dwata du, okóm yóm tau hensloen kwen kendengenen ne ke mlan bè là ktedengen, là kô tódô lugun Dwata du là tnafak.

Kem Lingón 39:6

Yóm igoen mowil te tonok yóm tau, hol lómón ke yóm olung. Tey kmoen nmò yóm tau, laen sem gónón e kól. Tey kendengen gel sentifunen, bede là tngónen du yóm tau angat mamà du.

2 Tutul Israél 13:13

Blaem deng wen kem sendalù lifut hógów Jirubuam seblà bè kwang yó kem sendalù Juda mò hmékét kul.

Juswa 10:1

Deng gotu gungol Adunisédék yóm tau hol geta bè Jirusalim, yóm deng gotu kegbà Juswa yóm syudad Ay ne yóm deng khatayen yóm tau hol geta bè yó, lómón yóm deng tehe nmoen bè Jiriku ne bè yóm tau hol geta bè yó snéen. Gungol Adunisédék snéen yóm deng kwit le sbilà bè yó kem tau Israél yó kem tau bè syudad Gibyun ne deng le menwu moni bè yó kem tau Israél.

Juswa 8:24

Gotu hnatay kem sendalù Israél yó kem hohon le kemtes kul bè yóm benwu laen hol wen tauhen. Omin le bud semfulék ebè Ay ne gotu hnatay le yó kem dù tau tebel bè yó.

Juswa 8:19

Hol hdò Juswa ebè Ay se yóm buyusen, sen-geng le se hesut gu bè yóm gónó le e hebnos yó kem sendalù Israél ne tódô le hekteng mlóy elem yóm syudad yó ne nled le ne tódô kendel dnutung ntem le.

Juswa 8:14

Timbow ton yóm tau hol geta bè Ay yó kem sendalù Israél kmamfù fi debwak, tódô kendel sentifunen yó kem sendaluen. Hol hlafus bè yó tódô nundug le yó kem sendalù Israél kmamfù sentu yóm Datal Jurdan, yóm datal tehe gna gónó le sfatay. Blaem là kô tngónen du yó kem sendalù Israél deng eles hebnos angat mundug du gu bè kwang yóm syudaden.

Juswa 8:12

Wen dô limu libu sendalù deng eles hebnos ditu fi desdef yóm syudad yó bè blóng Ay bè Bétél.

Juswa 8:9

Tahu se, gna le lemwót yó kem sendalù hógów Juswa yó ne hlós le ebè yóm gónó le e hebnos fi desdef, bè blóng Ay ne Bétél. Okóm kul le Juswa, fen le tebel bè yó bè kamfù le yóm kifu yó.

Juswa 8:7

Omin ye yó kento hewà gu bè yóm gónó ye hebnos ne nled ye yóm syudad le. Yóm sana kuy Dwata hol gónó mogot fen bemlay du elem hólól ye.

Juswa 8:3

Tahu se, htifes le Juswa ne yóm kdê sendaluen bè yóm na le e kundug ebè Ay. Wen tlu folò libu sendalù néléken hono kem sendalù deng hónô layam bè sfatay. Yó hmoen kul mò fen hógówen kifu

Juswa 8:8

Ke sok deng gled ye yóm syudad yó, gotu ntem ye yó kem gónô bè yó lómón yóm deng hmò Dwata kuy. Yó se yóm mò lolò ye.”