Juswa 7:6 - Udél Dwata: Gna Kesfasad ne Lomi Kesfasad

⁶ Timbow tngón Juswa nim gfà le ni, ya tey sidek kegnómen du dalang se yó kem tau gel malak yó kem tau Israél, botong geksê le nes bè lówó le. Tódô le hegluduk bè tonok bè solu yóm Slungan Fasad. Tódô le lemfen bè yó efet seklewet ne wen kfung sù le ta kulu le mò gónó le hegfan du yóm tey ksidek kegnóm le du.

Juswa 7:6 Referans Kwoze

Tekang Kbuten 37:29

Timbow tô bud nauy Rubén yóm kokol ngelem tehe gónó le mbot ke Jusif, là kô bud tonen du bè yó. Tódô kenséen yóm nes bè lówóhen botong ksidek kegnómen du.

Tekang Kbuten 37:34

Tódô kensê Jakub yóm nes bè lówóhen bè klangagen ne tles leseken nes sakù. Ne tey kegenen tendo lemangag du yóm ngaen yó.

2 Samwél 13:31

Tódô hebkó mdà Dabid, gotu kenséen nesen, tódô lemfen te tonok botong klangagen. Dalang se yó kem tóbóng lówóhen nô bè yó, gotu bud kensê le se yóm kul nes.

Lista 14:6

Ne yó nmò Juswa yóm ngà Nun lewu le Kalib yóm ngà Jifuni, yóm lewu bè yó kem tau hemkana, botong kensê le nes le lemwót bè yóm alì ksidek kegnóm le du.

Deng Hegfan 18:19

Lemwót bè yóm alì klangag le, gotu bnulus le kfung te kulu le. Ya tey sidek kedlumu le, mon le, “Weyò, weyò. Kamaen yóm tey syudad bong yó. Gotu le baling kwasa yó kem tau gel mit kafal lemwót bè yóm alì dê kendengenen. Tek sotu urasen deng sana gotu lana béléen yóm kdéen.”

Kul Nmò 14:14

Timbow gungol Barnabas ne Pol yóm tô nmò le yó, botong geksê le nes le. Tódô le mlóy etu bè yóm gónó le deng stifun yó kem tau,

Job 2:12

Bè yóm hanà le tolo mayuk ton le Job, bede là hol dilô le du. Tikóng le kól béléen tey kkik le du, gotu kensê le nes le lemwót bè klangag le. Gotu hensù le kfung te kulu le.

Job 1:20

Omin Job hebkó mdà, gotu kenséen yóm nes bè lówóhen lemwót bè yóm tey klangagen. Ominen gotu tembulud weken ne tódô lemfen bè tonok bè solu Dwata.

Istér 4:1

Timbow tngón Murdikay nim ni, tódô kentóhen yóm nes bè lówóhen ne tles bud leseken nes sakù lemwót bè yóm alì sidek khéét kegnómen du. Tódô tenfengen kohù kuluhen ne mógów lem yóm syudad yó, tódô hendlaen lemanu

2 Samwél 12:16

Tey kehkodu Dabid bè Dwata bè yóm ngà yó, botong fasting, ne suloyen buteng hlilil talak tonok.

2 Samwél 1:12

Tey klangag le, gotu le mkik glok le fasting efet kifu lan le lemangag kul le Sol lewu le Junatan, ne yó kem sendalù Israél dalang se yóm kdê tau Israél, abay se deng tey dê bélê le matay bè sudeng.

1 Samwél 4:12

Bè yóm kdaw yó, wen sotu tau semfu gu bè Bindyamin mlóy ebè Silu gu bè yóm gida yó, song gefet bè yó deng kimel. Gotu kenséen nesen ne bnulusen kfung ta kuluhen mò gónón hegfan du yóm tey sidek klangagen.

Lista 16:45

“Hlayuk ye bélê le ni kem tau nii, na gotu genlà lu.” Tódô le lemfen bè tonok le Musis lewu le Aron ne mni le bè Dwata.

Lista 16:22

Okóm tódô le lemfen bè tonok le Musis ne Aron ne yó mon Musis mò ke Dwata, “Ó Dwata, uu se hlowil yóm kdéen mowil. Ke olohen tek sotu tau yóm mò sidek gotu homong lenbutem kô yóm kdéen tau?”

Juswa 7:7

Yó udél Juswa ebè Dwata, monen, “Ó Dwata, uu se yóm hol dandónen geta. Moen du ke nwitem mi mifal yóm Él Jurdan? Ilóem tô blayem mi elem hólól yó kem tau Amurayt kô? Tô gotu genlaem mi kô? Yake tehe me tódô henek menwu ditu ne fatu Él Jurdan.

2 Samwél 1:11

Tódô kensê Dabid nesen, botong ksidek kegnómen du, dalang se yóm kdê tau mung du, gotu kensê le se yóm kul nes.

2 Bok Kem Tau Hol Geta 22:11

Timbow gungol yóm tau hol geta yóm udél nô lem yóm Bok Hlau yó, tódô gekséen nesen, botong ksidek kegnómen du.

2 Tutul Israél 34:19

Timbow gungol yóm tau hol geta yóm udél nô lem yóm Bok Hlau yó, tódô gekséen nesen, botong ksidek kegnómen du.

Job 42:6

Duhen ni, deng tey sidek kyaku bè yóm kdê deng monu. Ni se gónów myón lem kfung ne lem kohù mò gónów hegfan du yóm deng tey kegselu.”

2 Samwél 1:2

Tikóng deng tlu kdaw Dabid kól, wen sotu tau gdek bè yó lemwót gu bè kamfù Sol, gotu ksê nesen ne hono kfung lem kuluhen mò gónón hegfan yóm klangagen. Bè yóm kkólen bè Dabid, tódô hegluduk bè tonok bè soluhen bè yóm kadaten du.

2 Samwél 13:19

Okóm yó nmò Tamar, hensuen kfung ta kuluhen, ne kenséen yóm nes tilob leseken. Ominen lemwót, snefengen tdok uyóhen igoen dmumu mkik.

Nihimaya 9:1

Bè yóm gewuhen folò fat kdaw bè yóm bulón yó, gotu le bud stifun yó kem tau Israél. Bè yóm kestifun le ni là mken le, gotu le lemsek nes sakù ne hensù le kfung ta kulu le mò gónó le hegfan yóm tey kegbeng lem le.

Istér 4:3

Bè kdê yó kem prubinsya deng gónón e glalag yóm udin yó, gotu le langag yóm kdéen Ju. Là kô le mken, gotu le mkik ne lemanu ne tey kwen le mnes sakù ne gotu hensù le kohù yóm gónó le hlilil.