Juswa 7:3 - Udél Dwata: Gna Kesfasad ne Lomi Kesfasad

³ gotu tulón le ke Juswa yóm kdê ton le, mon le, “Là katen bong tum syudad tu. Anien he ke là kdéen du tau mundug edu. Anien ke olon lewu libu duhen ke tlu libu tau mundug etu, kaem gbek le.”

Juswa 7:3 Referans Kwoze

2 Pitér 1:10

Duhen yó, kem dumuhu setwoli, hol hotu ye són gel ye mò du nim monu ni koni mò gónó ye hton du yóm deng tehe ktaba Dwata kuy, ne yóm deng kéléken kuy. Ke henlel ye mò du nim ni, là kô na ye e gbek kmogol du yóm kehtahu ye bè Dwata.

2 Pitér 1:5

Yó gónóm mon, hotu ye gel ye anì hmung ye bè yóm kehtahu ye yóm kehyu kmò. Ne bè yóm kehyu kmò ye, hol hmung ye du yóm khulung ye hedem.

Hibru 4:11

Duhen yó, hol hotu tekuy són gel tekuy anì guta tekuy yóm kehegnô yó koni. Hol ten-gama kuy anì là mo tekuy mom mkél bè yó kem tau gnan ekni, là kô dog guta le du lemwót bè yóm là kehtahu le.

Kun Snulat Luk 13:24

“Yóm lan ebè yóm klowil laen dù sónen, hol lómón ke bak dól sikeb. Hotu ye són gel ye husek edu, abay se angat tey dê tau móyô husek elemen hulin kdaw, okóm là kô le gusek elemen.

Kem Udél Hlalak Tehe Selumun 21:25

Yóm sen-galu nawa yóm tau lemfu yó se yóm hmatay du yakem móyô mò nmò se.

Kem Udél Hlalak Tehe Selumun 13:4

Laen kô tul kgutahen du yóm nóyóen yóm tau lemfu, okóm yóm tau mefesek gotu gutahen yóm gónón gsengel nawahen.

Juswa 7:2

Bè yóm knô le Juswa bè Jiriku, yó nmoen wen kem tau dóken hemkana yóm syudad Ay. Nim Ay ni, nô fi dmata kdaw Bétél moni bè Bitabin. Bè yóm deng bud kkól yó kem tau hemkana dók Juswa yó koni,

Juswa 7:4

Tahu se, wen dô tlu libu sendalù Israél hógów Juswa na a mundug etu. Okóm bè yóm kkól le ditu, deng le mom gotu mlóy mulék laen kô dù gmò le.