Juswa 7:1 - Udél Dwata: Gna Kesfasad ne Lomi Kesfasad

¹ Bè yóm tehe kegbà le yóm syudad Jiriku yó kem tau Israél, deng eles wen hlau Dwata kul yóm là kehyuhen ke wen nwa le bè yóm kimu deng hetfing le ebéléen. Okóm deng mom wen bélê le mulé du. Yó mulé du, yóm sotu tau bélê le boluyen Akan. Yóm Akan ngà Karmi ne témê Sabdi, tau lemwót bè ktol Sira ne lemwót bè kun ból Juda. Lemwót bè nim nmò Akan ni, gónón alì sidek kebut Dwata yó kem tau Israél.

Juswa 7:1 Referans Kwoze

1 Tutul Israél 21:7

Okóm ke Dwata kun, tey sidek kekbéen du yóm nmò le yó, yó gónón tmafak yó kem tau Israél.

Juna 1:7

Ne lemwót yó kem tau gel mò nmò bè kafal gotu le stulón, yó mon le, “Yake mò tekuy atù anì tngón tekuy lewóten yóm tey gfà tekuy ni.” Tahu se, mò le atù ne kun boluy Juna yóm gwa le.

2 Tutul Israél 24:18

Yó atul le, tódô bayà le yóm Gónô Dwata, ne yóm Dwata yó kem tehe fù le, ne tmaba le ebè yóm hehek yóm dwata libun boluyen Asira ne bè yó kem dwata lennged. Bè yóm salà nmò le yó, tey kebut Dwata kul yó kem tau bè benwu Juda ne bè Jirusalim.

2 Samwél 24:1

Kogolen bè yó, tey bud kebut Dwata kul yó kem tau Israél, ne hsóhen lu ke Dabid mò lan Dabid hemsidek kul, monen, “Yó ne, gotu nsóhem lu yó kem tau Israél ne kem tau Juda.”

Danyél 9:7

Ó Dwata, uu se yóm alì tedeng kmoen. Okóm ni, tey sidek kyak me béléem mi kem tau bè Juda ne kem tau bè Jirusalim ne kdéen tau Israél, hono tau deng gotu senklahem ebè yó kem benwu moni kkólen ebè yó kem benwu mayuk. Yó gónóm mlo kum lan me là hteneb béléem.

Hlolò 10:6

Ne yó mon Musis mò ke Aron ne yó kem lewu dù ngaen logi le Ilisar ne Itamar, “Hol bê ye abay hegfan yóm klangag ye kul. Hgifat ye semwat ne hol bê ye abay kensê se nes ye. Ke là nimón ye du nim ni, matay ye mekto se kuy ne gomong lenbut Dwata kdéen tau Israél. Okóm kul yó kem dumu ye Israél, là sideken bélê le ke lenangag le yóm katay yó kem logi yó bè yóm ofi hesut Dwata ebélê le.

2 Bok Kem Tau Hol Geta 5:24

Tikóng le kól bè yóm bulul udì gónó Ilaysa nô, nwa Gihasi yóm lewu bag, ne nwiten elem gónóen. Ominen hulék yó kem tóbóng lówó Naaman.

Tekang Kbuten 34:27

Omin le bud husek se kul yó kem dumu ngà Jakub logi, gotu negef le kdê yó kem kimu nô lem yóm syudad yó lemwót bè yóm là bud kólós Dina, yóm libun le.